Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Quare fremuerunt. Psal. II.

Mae'r prophwyd Dafydd yn yr yspryd glan yn rhagweled gwrthwyneb mawr i eglwys Christ. Lle y mae efe yn newid personau yn yr ymadrodd, mae'r yspryd yn gryfach na rheswm dyn.

〈♫〉〈♫〉 PAham y terfysc gwyr y byd, 〈♫〉〈♫〉 a pham y cyfyd rhodres? 〈♫〉〈♫〉 Pam y mae'r bobloedd yn cyd-wau, 〈♫〉〈♫〉 yn eu bwriadau diles?

[verse 2] Codi y mae brenhinoedd byd, a'i bryd yn gyd-gynghorol: Yn erbyn Duw a'i Ghrist (ein plaid) y mae pennaethiaid bydol. [verse 3] Drylliwn eu rhwymau, meddan hwy, ni wnawn ni mwy vfydd-dod: Ac ymaith taflwn eu trom iau, ni chant yn frau 'mo'n gorfod.

[verse 4] Ond Duw 'r hwn sydd vwch wybrol len a chwardd am ben eu geiriau: Yr Arglwydd nef a wel eu bar, efe a'i gwatwar hwythau. [verse 5] Yna y dywaid yn eilid, a hyn fydd rhybrid iddyn: O'i eiriau ef y cyfyd braw, a'i ddig a ddaw yn ddychryn.

[verse 6] Gosod ais innau (meddai ef) â llaw gref yn dragywydd:

Fy mrenin i, yn llywydd llon, ar sanctaidd Sion fynydd. [verse 7] Dyma'r ddeddf a ddwedai yn rhwydd, hon gan yr Arglwydd clywais: Ti yw fy mab (o'm perffaith ryw) a heddyw i'th genhedlais.

[verse 8] Gofyn ym, a mi yt' a'i rhydd, holl wledydd iw 'tifeddu: Y cenedlaethau dros y byd, i gyd a gai'meddiannu. [verse 9] Ti a'i briwi hwynt yn dy farn, â gwialen hayarn hayach: Ti a'i maluri, hwythau ân mor fân a llestri priddach.

[verse 10] Am hyn yn awr frenhinoedd coeth, byddwch ddoeth a synhwyrol: A chwithau farnwyr cymrwch ddysg, i ostwng terfysg fydol. [verse 11] Gwasnaethwch chwi yr Arglwydd nef, ac ofnwch ef drwy oglud: A byddwch lawen yn Nuw cu, etto drwy grynu hefyd.

[verse 12] Cusenwch y mab rhag ei ddig, a'ch bwrw yn ffyrnig heibio: A gwyn ei fyd pob calon lân, a ymddiriedan yntho.