Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Exaudiat te Dominus. Psal. xx.

Y bobl yn bendithio eu brenin, ac yn gweddio yn erbyn eu gelynion, wrth fynd allan i ryfel.

GWrandawed di yr Arglwydd Ner pan ddel cyfyngder arnad, Enw Duw Iacob, ein Duw ni, a'th gadwo di yn wastad. [verse 2] O'i gysegr rhoed yt help a nerth, a braich o bryd••erth Seion: [verse 3] Cofied dy offrwm poeth a'th rodd, b••'rhai'n wrth fodd ei galon.

[verse 4] Rhoed ytty wrth dy fodd dy hun, dy ddymun a'th adduned:

Dy fwriad iach a'th arfaeth tau, a'th weddiau gwrandawed. [verse 5] Yn enw ein Duw gorfoleddwn yn hyf, a chodwn faner: A'th ddeisyfiadau gwnaed yn rhwydd, yr Arglwydd o'r uchelder.

[verse 6] Yr Arglwydd gweryd (felly gwn) o'i gysegr drwn ei'neiniog: Gwrendy ei arch, gyrr iddo rym, yn gyflym ac yn gefnog. [verse 7] Rhai ar gerbydau rhont eu pwys, rhai ar feirch ddwys ymddiried: Minnau ar enw'r Arglwydd Ddyw, mai hwnnw yw'n ymwared.

[verse 8] Hwy a'mroesant a syrthiasant, yn eu nerth eisoes yno: Codasom a safasom ni, O Dduw, a thi i'n llwyddo. [verse 9] Cadw ni Arglwydd a'th iaw gref, boed brenin y nef drosom: Gwrandawed hwnnw arnom ni, a'n gweddi pan y llefom.