Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Sape expugnanerunt. Psal. 129.

Cynghori y mae i'r eglwys ymlawen∣hau, er bod erlidwyr ym mhob oes. Duw a'i gweryd hi, ac a sathr ei chaseion.

LLawer gwaith cefais gystudd mawr, Israel yn awr dyweded, O'm hieuenctyd hyd yr awr hon, fe wyr fy mron eu trymed. [verse 2] A llawer gwaith y cefais lid, o'm gwan ieuengctid allan, A blin gystudd ar lawer tro, ac etto ni'm gorfuan'.

[verse 3] Yr arddwyr arddent y cefn mau, drwy rwygo cwysau hirion: [verse 4] Y cyfion Ner torrodd yn frau, bleth-didau'r annuwiolion. [verse 5] Pa rai bynnag a roesant gâs ar degwch dinas Seion, Gwradwydder hwynt, cilient iw hol, y rhai annuwiol creulon. [verse 6] Byddant fel y glâs wellt a fai

ar bennau tai yn tyfu, Yr hwn fydd, cyn y tynner fo, yn gwywo, ac yn methu. [verse 7] Ni leinw'r medelwr ei law, ni chair o honaw ronyn: I'r casclwr nis tal ddim mo'i droi, na'i drin, na'i roi mewn rhwymyn:

[verse 8] Fel na bai byth gwiw gan y rhai ar a dramwyai heibio, Ddwedyd vnwaith, Duw a ro llwydd, neu'r, Arglwydd a'ch bendithio.