Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Non nobis Domine. Psal. 115

Y bobl a orthrymid gan dywyso∣gion annuwiol, yn addo bod yn ddi∣olchga••, os Duw a wrandawai ei gwe∣ddiau, ac a i gwaredai hwynt.

NId ini Arglwydd, nid i ni, y dodi y gogonedd, Ond i'th enw dy hun yn hawdd, er mwyn dy nawdd a'th wiredd. [verse 2] Pa'm y dwedant am danat ti y cenedlaethi estron: A thrwy edliw hynny yn fwy, ple'y mae'u Duw hwy yr awron?

[verse 3] Sef ein Duw ni mae yn y nef, lle y gwnaeth ef a fynnodd. [verse 4] Eu delwau hwy, aur, arian yn, a dwylo dyn a'i lluniodd. [verse 5] Safn heb draethu: llun lygaid glân, y rhai'n ni welan ronyn: [verse 6] Trwyn heb arogl, clustiau ar lled heb glywed, y sydd ganthyn.

[verse 7] Ac i bob delw y mae dwy law heb deimlaw, traed heb symyd: Mae mwnwgl iddynt heb roi llais, fal dyna ddyfais ynfyd. [verse 8] Fel hwyntwy ydyw' rhai â'i gwnant, a'r rhai a gredant iddynt: Am hyn ni ddylai neb drwy gred roi mo'i ymddiried arnynt.

[verse 9] O Israel, dod ti yn rhwydd ar yr Arglwydd dy hollfryd, Ef yw eu nerth a'i dwg i'r lan, eu porth a'i tarian hefyd. [verse 10] O ty Aron, dod tithau'n rhwydd, ar yr Arglwydd dy hollfryd: Ef yw eu nerth a'i dwg i'r lan, eu porth a'i tarian hefyd.

[verse 11] Rhai a ofnwch yr Arglwydd Ion, rhowch arno'ch vnion hollfryd. Efe yw'r neb a'ch dwg i'r lan, eich porth a'ch tarian hefyd. [verse 12] Duw naf a'n cofiodd, ac i'n plith fo roes ei fendith rhadlon: I dy Israel rhydd ei hedd, ac vnwedd i dy Aaron.

[verse 13] Sawl a'i hofnant bendithiant ef, Yr Arglwydd nef canmolan, A'i Enw sanct o'r nef i'r llawr, bendithied mawr a bychan: [verse 14] Yr Arglwydd arnoch, arnoch chwi, a wna ddaioni amlach: Ac a chwanega ar eich plant ei fwyniant yn rymusach.

[verse 15] Y mae ywch fendith a mawr lwydd, gan y gwir Arglwydd cyfiawn, Yr hwn a wnaeth y nefoedd fry, ar ddayar obry yn gyflawn. [verse 16] Y nef, ie'r nefoedd vwchlaw, sy yn eiddaw Duw yr Ion, A'r ddaiar, lle y preswyliant, a roes ef i blant dynion.

[verse 17] Pwy a folant yr Arglwydd? pwy? gwn nad hwyntwy y meirwon, Na'r rhai a ânt i'r bedd yn rhwydd, lle y mae distawrwydd ddigon. [verse 18] Ond nyni daliwn yn ein cof fyth fyth fendithio'r Arglwydd. Molwch yr Arglwydd yn vn wedd, â mawl gyfannedd ebrwydd.