Llyfr y Psalmau, wedi eu cyfieithu, a'i cyfansoddi ar fesur cerdd, yn gymraeg. / Drwy waith Edmund Prys Archdiacon Meirionnydd,.

Confitebor tibi. Psal. 111.

Y mae efe yn y psalm hon yn diolch i Dduw am ei aml weithredoedd da i'r eglwys, gan ddangos beth yw iawn ddoethineb a gwybodaeth.

CLodforaf fi fy Arglwydd Ion, o wyllys calon hollawl, Mewn cynnulleidfa gar eu bron, mewn tyrfa gyfion rasawl. [verse 2] Mawr iawn yw gwrthiau'n Arglwydd ni hysbys i bawb a'i hoffant. [verse 3] Ei waith a'i iownder pery byth, a'i wehelyth ogoniant.

[verse 4] Yr Arglwydd a wnaeth ei goffau, am ryfeddodau nerthol. Cans Arglwydd nawdd-fawr yw i ni, llawn o dosturi grasol. [verse 5] Ef i bob rhai a'i hofnant ef, rhydd gyfran gref at fywyd: Ac yn dragywydd y myn fod cof o'i gyfammod hefyd.

[verse 6] Mynegodd ef iw bobl i gyd, gadernyd ei weithredoedd: A rhoddi iddynt hwy a wnaeth 'tifeddiaeth y cenhedloedd. [verse 7] Gwirionedd a barn ydyw gwaith ei ddwy law berffaith efo; A'i orchmynion sy ffyddlon iawn, a da y gwnawn eu gwrando.

[verse 8] Y rhai'n sy gwedi eu sirrhau, dros byth yn ddeddfau cyfion: Gwedi eu gwneuthur hwy mewn hedd, a thrwy wirionedd vnion. [verse 9] Anfonodd gymmorth iw bobl ef, cyfammod gref safadw••, Archodd hyn: bo iw enw fawl, sancteiddiawl ac ofnadwy. [verse 10] Dechreuad pob doethineb ddofn i bawb yw ofn yr Arglwydd, Da yw deall y sawl a'i gwnai, a'i ofn a sai'n dragywydd.