Llyfer gweddi gyffredin, a gwenidogaeth y sacramentau, ac eraill gynneddfau a ceremoniau yn Eglwys Loegr..

S. Ioan Fedyddiwr.

Y Colect.

HOll-alluog Dduw, o ragluniaeth pa vn y ganed yn rhyfedd dy wâs Ioan Fedyddiwr, ac yr an∣fonwyd ef i arlwyo ffordd dy Fâb Iesu Grist ein Ia∣chawdur, gan bregethu edifeirwch: gwna i ni felly ddilyn ei ddysceidiaeth a'i sanctaidd fywyd ef, fel y gallom wîr edifarhau wrth ei bregeth ef, ac ar ôl ei esampl yn wastadol draethu y gwirionedd, yn hy∣derus geryddu y camwedd, ac yn vfydd ddioddef er mwyn y gwirionedd, trwy Iesu Grist ein Har∣glwydd.

Yr Epistol.

* 1.1 CYssurwch, cyssurwch fy-mhobl medd eich Duw. Dywedwch wrth fodd Ie∣rusalem, llefwch wrthi hi gyflawni ei milwriaeth: canys maddeuwyd ei ha∣nwiredd, o herwydd derbyniodd o law 'r Arglwydd yn ddau ddyblyg am ei holl bechodau. Canys llêf sydd yn llefain yn yr ynialwch, parotowch ffordd yr Arglwydd, vniawnwch lwybrau ein Duw ni yn y diffaethwch. Pob pant a gyfodir a phob my∣nydd a bryn a ostyngir, y gŵyr a fydd yn vniawn, a'r anwastad yn wastadedd. A gogoniant yr Arglwydd a ymeglura, fel y cyd-welo pob cnawd mai genau 'r Arglwydd a lefarodd hyn. Llef a ddywedodd wrth y prophwyd, gwaedda di, yntef a ddywedodd, beth a waeddaf? Bod pob cnawd yn wellt, a'i holl odidaw∣grwydd fel blodeuyn y maes. Gŵywodd y gwelltyn,

a syrthiodd y blodeuyn, canys Yspryd yr Arglwydd a chwythodd arno: gwellt yn ddiau yw'r bobl. Gŵy∣wodd y gwelltyn, syrthiodd y blodeuyn, a gair ein Duŵ ni a saif byth. Dring rhagot yr Efengyles Si∣on i fynydd vchel, dyrchafa dithe dy lêf trwy nerth, ô Efangyles Ierusalem: dyrchafa, nac ofna: dywet wrth ddinasoedd Iuda, wele eich Duw chwi. Wele, 'r Arglwydd Dduw a ddaw yn erbyn y cadarn, a'i fraich a lywodraetha arno ef: wele ei obrwy gŷd ag ef, a'i waith o'i flaen. Fel bugail y portha efe ei braidd, â i'fraich y cascl ei wyn, ac a'i dŵg yn ei fonwes, ac a goledda y mammogiaid.

Yr Efengyl.

* 1.2A Chyflawnwyd y tymp i Elizabeth i es∣cor o honi, a hi a escorodd ar fâb. A chly∣bu ei chymydogiō, a'i chenedl hi fawr∣hau o'r Arglwydd ei drugaredd arni, a hwynt a gyd-lawenychasant â hi. A bu ar yr wythfedd dydd, ddyfod o honynt i enwaedu ar y bachgennyn, ac hwy a'i galwasant ef yn ôl henw ei dâd, yn Zacharias. A'i fam ef a attebodd, ac a ddy∣wedodd, nid felly, eithr ei enw fŷdd Ioan. Hwythau a ddywedasant wrthi, nid oes neb o'th genedl a el∣wir ar yr henw hwn. Ac hwy a amneidiasant ar ei dâd, pa fodd y mynne efe ei henwi ef. Ac yntef wedi iddo alw am argraph-lech, a scrifennodd gan ddy∣wedyd, Ioan yw ei enw ef, a rhyfeddu a wnaethant oll. Ac agorwyd ei enau ef yn ebrwydd, a'i dafod, ac ef a lefarodd, gan fendithio Duw. A daeth ofn ar eu holl gymydogion hwynt, a thrwy holl fynydd-dir Iudêa cyhoeddwyd y geiriau hyn oll. A phawb a'r a'u clywsant a'u gosodasant yn eu calōnau, gan ddy∣wedyd, beth fydd y bachgennyn hwn? A llaw 'r Ar∣glwydd oedd gŷd ag ef. A'i dâd Zacharias a gyflawn∣wyd o'r Yspryd glân, ac a brophwydodd, gan ddywe∣dyd:

Bendigedig fyddo Arglwydd Dduw Israel, ca∣nys efe a ymwelodd, ac a brynodd ei bobl. Ac efe a ddyrchafodd nerth eichydwriaeth i ni, yn nhŷ Dda∣fydd ei wasanaeth-ŵr, megis y dywedodd trwy enau ei sanctaidd brophwydi, y rhai oeddynt erioed, yr an∣fone efe i ni iechydwriaeth oddiwrth ein gelynion, ac o law ein holl gaseion, Gan wneuthur trugaredd â 'n tadau, a chofio ei sanctiaidd gyfammod, a'r llw a dyngodd efe i'n tâd Abraham, ar ei roddi i ni, sef bod i ni yn ddiofn wedi ein rhyddhau o ddwylo ein gelyni∣on ei wasanaethu ef mewn sancteiddrwydd a chyfi∣awnder ger ei fron ef holl ddyddiau ein bywyd. A thithe fachgēnyn a elwir yn brophwyd i'r Goruchaf: canys ti a aei o flaen ŵyneb yr Arglwydd i barotoi ei ffyrdd ef, i roddi gwybodaeth iechydwriaeth i'w bobl ef trwy faddeuant eu pechodau, o herwydd tirion∣dab trugaredd ein Duw, trwy 'r hon yr ymwelodd â ni godiad haul o'r vchelder: i lewyrchu i'r rhai sy yn eistedd mewn tywyllwch, a chyscod angeu, i gyfei∣rio ein traed i ffordd dangnheddyf. A'r bachgennyn a gynnyddodd, ac a gryfhawyd yn yr yspryd, ac a fu yn y diffaethwch hyd y dŷdd yr ymddangosodd efe i 'r Israel.

Notes

• * 1.1

  Esa. 40.1.
• * 1.2

  Luc. 1.57.