Grammaticae Latinae institutiones carminibus concinnatae quibus subjiciuntur commentarioli : et per totam syntaxin regulatim, ipsa Liliana constructio : accesserunt figvrae quae saepiùs occurrunt grammaticales, isagoge poetica de carminum rafione, tropi & schemata rhetorices usitatoria / opera et studio J.S.

Metonymia Subjecti.

SVbjectum propria est adjuncti sede locatum.

Metonymia Subjecti est cum Subjectum ponitur pro te adjuncta, atque hoc variè fit.

1. Sedes pro inhaerente qualitate, ut plus cordis pro plus prudentiae, quae in corde sedem habet; minus oris, pro∣minus pudoris, quia pudor vultu prodit se.

2. Continens pro re contenta, poculum pro vino vel potu, crumena pro nummis, focus pro igne.

3. Locus pro incolis, ut urbes pro civibus, Carcer pro captivis, Anglia pro Anglis, terra pro hominibus.

Locus etiam pro rebus in loco gestis, ut forum, sub••ellia, rostra, pro actionibus forensibus, Schola pro doctrina, Sylvae pro venandi studio.

4. Possessor pro re possessa: Jam proximus ardet Ucale∣gon, i▪ e. domus Ucalegonis; apud Pompeium, i. e. in ae∣dibus

Pompei; Neptunus, Amphitrite pro mari, lares pro∣domo.

5. Dominus pro iis qui sunt sub potestate ejus, ab Anniba∣le caesa apud Cannas sexaginta millia Romanorum, i. e. ab exercitu Annibalis, Christus baptizavit i.e. discipuli.

6. Advocati pro clientibus, restituisse te dixisti, nego me∣restitutum edicto Praetoris.

7. Tempus pro actionibus, non oculis aut pectore noctem accipit i. e. somnum, solem sensit & frigora, pro aesta∣tis & hiemis difficultatibus.

8. Res pro signo rei, Jupiter pro statua Jovis, Amarillis pro carmine de eadem.