The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

ARTICULUS XXIII.

Conclusio cum exhortatione ad concordiam.

SEd jurgiorum satis, mi Annate, praestat in con∣cordiam redire, condonatis injuriis. Vides de necessitante illa gratia nullum unquam Augustini discipulum cogitasse. Desine ergo in illo figmento concertationis causas quaerere. Et quando abjecta Molinianae indifferentiae Molinianae{que} gratiae defen∣sione, nullum tibi esse cum Thomistis certamen ag∣noscis, agnosce itidem nullū cum Augustinianis vel esse vel fuisse. Fratres in se pugnare, miserū est; sine causa pugnare, miserrimum. Nullam autem causam fuisse cur Augustinianis illos errores impingeretis, ita perspicue planum feci, ut id nec palam negare audeas, si quid eruditorum judicium vereris; nec tacitus apud te, si quid vereris conscientiam tuam. Saltem ergo convictus define, & hanc discordiae stammam qua sine causa flagrat Ecclesia, compone. Bono zelo fortasse nescio quam illam gratiae neces∣sitantis haeresim insecutus quibusdam videbere, si ea evanescente turbare desistas. At si postquam omnes insuperabili, indeclinabili, invicta gratia constantissime retenta, hanc tuam gratiam necessi∣tantem propalam exploserint, tamen haereseos for∣midines intentare non desistas: tunc vel caecis pate∣bit qui te spiritus agat, non eum pacis, sed discordiae; non veritatis, sed calumniae spiritum esse.