VIdeamus, mi Pater, quo pacto tantam dis∣cordiam sedaveris; scilicet ut bonus medicus statim ad illius fontem remedium apposuisti, totam hanc de gratia praedeterminante contentionem e medio tollens. Non agitur de gratia praedeter∣minante, inquiebant tuo monitu Doctores Augustinianis adversi in scripto adjungendis Domi∣nicanis facto. Item alio loco: Non agitur de mo∣do quo gratia efficax est. Et infra; In hac causa nullo modo includitur celebris illa quaestio de Auxiliis, tam acriter olim sub Clemente VIII. & Paulo V. Tho∣mistas inter & Jesuitas agitata. Eodem pertinent loca superius adducta de Thomistarum dogmatis in damnatione propositionum nullo modo periclitan∣tibus.
Liberalius etiam Hallerius in celebri collatione apud Dominicanos habita coram Generali & prae∣cipuis Religiosis illius O••dinis, paratum se professus