ID igitur metuentes Doctores Augustiniani, ex E∣piscoporum, a quibus missi erant, mandatis, ut regia via res tractaretur, ante omnia solennem Congregationem institui postulabant, cum aliter calumniis, quibus potissimum Augustiniana causa premebatur, prorsus occurri & resisti non posset. Jesuitae contra ac Jesuitici Doctores, qui hoc causae ••uae capitaliter adversum esse sentiebant, devium quoddam ac tortuosum iter ingredi coeperunt, ut optato exitu potirentur. Hujus consilii, mi Pater, ne nega, auctor praecipuus extitisti; Neque enim in homines Sorbonicos cadebat tanta versuties. Sed tu tunc temporis Romae eras totius negotii modera∣tor & rector, qui illos Doctores assidue tecum ver∣santes ad hanc calliditatem instrueres. Patere igi∣tur tibi breviter in memoriam redigi tuas palmas, id est, subtiliter excogitatas fallacias.
Harum prima & maxime necessaria fuit, ficta cum Thomistis ad tempus consensio; quam tu propterea assimulare coactuses, quod cum illorum doctrina magna Romae auctoritate floreat, si pau∣lummodo ipsos lacessivisses, certam tibi repulsam paratam esse sagaciter odorabaris. Illico enim in∣surrexissent in te Romani fere omnes Theologi; convolassent ex toto orbe Dominicani, ac multae a∣liae familiae Augustinianis subsidio venissent.
Ergo ad auxiliares illas copias submovendas, ne∣cessario prae se ferendum, palamque denunciandum erat, nullum Thomisticae doctrinae caput in quinque propositionibus agi: totam hanc controversiam a disputatione de Auxiliis sub Clemente VIII. insti∣tuta esse alienissimam: gratiae praedeterminanti & Thomisticae Scholae nullum omnino imminere ex illarum propositionum damnatione periculum; Ie∣suitarum sententiae nihil penitus firmamenti acces∣surum. Haec, mi Annate, in ipso limine pleno ore praedicanda; alioquin statim exclusus esses.
Verum hic tibi minime defuisti, ac ne quis dubi∣taret, ipse tantus Thomistarum hostis, fucati illius cum Thomistis super quinque propositionibus foede∣ris praeco & buccinaror esse voluisti. Hoc consilio liber a te primum Hallerio Romae ad usum commo∣datus, mox tuo nomine editus est cum hoc titulo; Jansenius a Thomistis damnatus. Hic liber totus prae∣claris Didaci, Alvaris, Nugnez, Cabesudo, Le∣desmae, Nazarii, Gonzalis, Navarrettae, atque aliis ejusmodi nominibus personat.
Quin ut Thomistis omnem omnino suspicionem demeres, sic eos in Praefatione metu & periculo li∣beras: Interesse puto, inquis, tum communis boni ve∣ritatis, quam omnes quaerimus, tum privatae Thomi∣starum dignitatis, auctoritatisque, quam non expedit in censura damnabilium sententiarum implicari, ut omnes intelligant pracipuos defensores gratiae praedeter∣minantis, & qui causam illam ardentius egere circae tempora disputationum, contraria prorsus posuisse prin∣cipia principiis Jansenianorum. Quod, ut spero, lector perspicue intelliget ex oppositione doctrinae Thomista∣rum ad quinque propositiones, quae modo ad examen vocantur, ut non dubitem quin mecum dicturus sis eos qui tam facile sibi patiuntur imponi, alterutram The∣ologiam necessario nescire, nempe vel Thomisticam vel Jansenianam.
Potuisti-ne amantius & benignius pro Thomi∣starum dignitate sollicitari? Parum tamen fuisset, nisi ad eum modum tuos etiam defensores institu∣isses. Hallerium loquor, Lagautium, Mulardum, Jossellium. Verum illi in ludo tuo ad calliditatem edocti, praeclare magistri sui artes retulerunt. Nihil enim magis laborarunt, quam ut alieni in Thomistas animi a se suspicionem averterent. Itaque Halleri∣us non obscure sese dictitabat efficacis gratiae patro∣num, & versatilis gratiae hostem, cum tu has inju∣rias non iniquo stomacho concoquetes. Sic enim Romae faciendum fuit, & tempori serviendum. Haec cum ipsi, ubicumque tulerat occasio, praecipue co∣ram Dominicanis sine dubitatione jactarent, tum vero in scriptis quae Consultoribus & Dominicanis obtulerunt, luculentissime expressere. Ex quibus quoniam omnia fere nactus sum, licet hic pauca describere, quae tu, credo, facile agnosces. Pleraque enim, aut potius omnia, ex Iesuitica officina prodie∣runt, eademque etiam Romae in multorum mani∣bus versantur.
In scripto cui titulus est,
An sit sopienda quae jam fervet Jansenistarum controversia, imposito utrique parti silentio? sic loquuntur: Non est si∣milis haec controversia controversiae de Auxiliis. In illa enim disputabatur de rebus nondum deci∣sis, & ita disputabatur ut ipsa disputatione magis dubium fieret an & quid esset decidendum; & i∣deo facta est utrique parti copia suam defendendi sententiam. Hoc autem fieri non potest de con∣troversia Janseniana.
Item in fine:
Hanc esse causam Thomistarum & Jesuitarum qui dicunt, errant toto caelo. Nihil proponitur summo Pontifici de quo fuerit contro∣versia inter i••los Ordines: nihil quod non sit inter ambas familias communi consensu constitutum.
Item in alio scripto Dominicanis conciliandis fa∣cto,
Cum Iansenistae per se ipsos stare non pos∣sint, alios sibi adjungere conantur, quibus innitan∣tur, praesertimque reverendissimos Patres Domini∣canos, quasi utrisque communis sit causa, cum ta∣men una toto caelo ab alia discrepet; quod, ni fallor, ipsa causarum expositione demonstrari po∣test.
Ibidem:
Quod autem res seu causa praedeter∣minantium in integro relinquatur, etiamsi quin∣que illae propositiones decreto Pontificio damnen∣tur, vel quia jam damnatae sunt, damnatas esse de∣claretur, manifestum est; nempe ex hoc decreto non magis urgeri poterunt, quam modo urgentur ex Tridentino.