The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

RESPONSIO.

REsp. Primo, Hic deprehenditur iterum mala adversariorum fides, quod suppresserint verba immediate praecedentia, quae sensum S. Augustini omnino aperiunt. Ait enim S. Augustinus in haec verba,

ET GENTES IN TERRA DIRIGIS: Directae autem gentes, ambulantes in fide, exultan∣tes in illo, facientes opera bona, & si qua forte, quoniam per mare navig ant, intrat aqua per mi∣nutissimas cavernas, per rimulas ad sentinam ex∣hauriendo eam per opera bona, ne plus intrando cumulum faciat, & navem deprimat exhauriendo, quotidie je junando, operando, eleemosynas faci∣endo, dicendo puro corde, Dimitte nobis debita nostra, sicut & nos dimittimus debitoribus nostris, dicendo ista, ambula securus, & exulta in via, canta in via, noli timere judicem.

Secundo, haec via, ut ait S. Augustinus eodem Psalmo paulo supra, Christus est; quanto securius cantas in Christo, non habet via ista latronem, &c. Ip∣sa cantatio confessio est; confessio peccatorum tuorum, & virtutis Dei, tuam iniquitatem confitere, te accusa, illum glorifica, te reprehende, illum lauda, ut & ipse veniens inveniat te punitorem, & exhibeat se tibi Sal∣vatorem tuum. Vides quod ibi S. Augustinus loqui∣tur de Christo Salvatore in die judicii.

Tertio, Cum dicit S. Augustinus, Noli timere ju∣dicem, loquitur pro altera vita, non pro ista: nam superius dixerat: Gaudeat judicandus qui timuit ju∣dicaturum; & sensus est: Noli timere, ne judex tu∣us, cum venerit judicaturus, fallatur, ne corrumpa∣tur sicut homo mortalis, quia judicat populos in ae∣quitate. Audiatur, si placet, ipse S. Augustinus:

Ille, cum venerit, populos in aequitate judicabit, quid ibi valebit calliditas accusatoris ubi est testis conscientia? ubi tu eris & causa tua? ubi Judex non quaerit testem? advocatum misit tibi, propter il∣lum & per illum confitere, age causam tuam, & de∣fensor est poenitentis, & peritor veniae confiten∣tis, & judex innocentis: vere timere poteris cau∣sam tuam ubi advocatus tuus erit judex tuus. Laeten∣tur ergo & exultent gentes, quoniam judicas popu∣los in aequitate, sed timere poterunt ne male ju∣dicentur?

dent se corrigendos, ei qui videt judi∣candos; hic corrigantur, & non timeant cum judicantut.

Quibus ita deductis, nonne luce clarius est hanc esse mentem S. Augustini in hac oratione ad fide∣lem & justum, si ambulas in via, id est; in Christo, si exultas in illo, facies opera bona, si sollicitus es quotidie sentinam exhaurire, id est, levia pec∣cata quae irrepunt redimere jejunando, orando, eleemosynam dando, noli timere de tuo Judice ac∣si corrumpi posset aut falli, imo gaude & exulta quia reperies Judicem qui judicabit populos in ae∣quitate, qui tunc Salvator tuus erit, quia tui ipsius fuisti punitor. Nam si, cum esses impius, quae∣sivit te ut redimiret, redemptum non deseret ut perdat, id est, non te deseret aut trader adve••sario tuo & accusatori ut pereas. Quid enim ibi valebit calliditas accusatoris?

Verum ex his verbis colligere, Homini justo quamdiu degit in corpore mortis hujus, non esse quod timeat ne desereatur a Deo & inferatur in tentationem, quis hoc ferat? quae Catholicorum aures id sine zelo & indignatione audire possunt? & ubi illud Pauli, Cum timore & tremore salutem ve∣stram operamini? Deus enim est qui operatur in vobis velle & perficere pro bona voluntate. Et illud D. Le∣onis Magni: Et haec est Sanctis causa metuendi atque tremendi, ne ipsis operibus pietatis elati, dese∣rantur ope gratiae, & relinquantur in infirmitate naturae.