The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

SCRIPTUM ADVERSARIORUM.

[XLI. Testimonium.]

In Psalmum 120.

IN nostra potestate est, Deo donante, si eum nobis fa∣ciamus custodem, qui non dormit neque dormitam, qui custodit Israel.

RESPONSIO.

QUid illud est quod S. Augustinus dicit esse in potestate nostra, nisi ut habeamus custodem qui nunquam dormiat, & impediat quo minus mo∣veatur pes noster? Si enim, ait Sanctus Augustinus tota hac enarratione, quaeras inter homines custo∣dem qui non dormiat, non invenies. Nam omnis ho∣mo dormit & moritur; vis habere custodem non dor∣mientem? Deum elige custodem. Ex quo concludit in fine: Est ergo in potestate nostra habere custodem non dormientem, si voluerimus eum eligere in custo∣dem nostrum. Quis hoc neget? sed illa potestas ut eligamus Deum custodem nostrum, & in illo pona∣mus auxilium nostrum & fortitudinem nostram, nulla est nisi Deo donante, id est, nisi Deus eam det per gratiam suam efficacem.

Quam autem male & perperam inferant adver∣sarii ex hoc testimonio Sancti Augustini & simili∣bus; nos posse per gratiam sufficientem quod S. Au∣gustinus

dicit esse in potestate nostra, patet ex ipso∣met Sancto Augustino in eodem Sermone ex quo hoc testimonium adversarii desumpserunt; sic enim loquitur:

Ut autem sis ad dexteram, id est, ut possis Dei filius fieri, potestatem accepisti, quam potestatem, de qua dicit Apostolus Joannes, De∣dit eis potestatem filios Dei fieri; unde accepisti hanc potestatem? Credentibus, inquit, in nomine cjus; si ergo credis, ipsa tibi potestas data est, ut fis inter filios Dei. Sed quid ipsa potestas quam accepit homo, nisi Dominus protegat? Ecce cre∣didit, jam ambulat in fide; infirmus est inter ten∣tationes, agitator inter molestias, inter carnales corruptiones, inter suggestiones, inter cupiditates, inter versutias & laqueos inimici; quid valet ergo quia habet potestatem & credidit in Christum, ut sit inter filios Dei! Vae homini illi, nisi & ipsius fidem Dominus protegat, id est, ut non te permit∣tat tentari supra quam potes ferre, sicut dicit Apo∣stolus: Fidelis Deus, &c.

En habes a Sancto Augustino haec tria: I. Chri∣stianos omnes, per fidem scilicet charitate operan∣tem, potestatem habere sic vitam regere ut sint ad dexteram inter filios Dei. II. Hanc potestatem in∣firmam esse, & ciro deficere nisi Deus eam foveat, protegat, & confirmet. III. Deum non facere in omnibus ut non deficiat in tentatione fides eorum, vel non tententur supra id quod possunt ferre.