The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

SCRIPTUM ADVERSARIORUM.

[XXI. Testimonium.]

Lib. de pastoribus cap. 6.

SEd ne futuris tentationibus deficiat infirmus, nec falsa spe dejiciendus est, nec terrore frangendus: Dic ei: Praepara animam tuam ad tentationem, (Eccles. 2.) sed forte incipit labi, contremiscere, nolle accedere. Habes aliud 1 Corinth. 10. Fidelis Deus, qui vos non sinit tentari supra quam ferre po∣testis; Illud autem promittere & praedicare futu∣ras passiones, infirmum confirmare est; timenti autem nimium, & ex hoc deterrito cum polliceris misericordiam Dei, non quia tentationes deerunt, sed quia non permittit tentari supra quam ferre po∣testis, fractum colligare est: affert consolationes alligamentum, alliga quod fractum est, dic ne ti∣meas, non deerit in tentationibus ille in quem cre∣didisti, fidelis Deus, qui non sinit te tentari supra quam potes ferre; non hoc a me audis, Apostolus dicit: qui etiam dicit, An vultis experimentum ejus accipere qui in me loquitur Christus? hoc er∣go cum audis, ab ipso Christo audis, & ab illo Pa∣store qui pascit Israel; illi enim dictum est Psalm. 79. Potabis eos in lachrymis in mensura: quod e∣nim ait Apostolus, non sinit tentari vos supra quam potestis ferre, hoc ait Propheta in mensura: Tan∣tum tu noli dimittere corripientem & exhortan∣tem, terrentem & consolantem, percutientem & sanantem.

RESPONSIO.

QUod hic & aliis multis sermonibus sequentibus dicitur, Fidelis Deus, qui non permittit vos tentari supra id quod potestis, sic intelligi debet ut diximus: quia S. Augustinus quasi electis loquitur, Quos Deus non permittit tentari supra quam pos∣sunt, spe & confidentia auxilii non defuturi, fide∣les erigit, terrore non frangit, ut hinc se ad oran∣dum & operandum accingant, & omnem spem in Deo collocent. In scripto circa primam propositi∣onem c. 2. art. 3. hanc Apostoli sententiam fuse ex∣posuimus, nec solummodo argumentum, quod ex ea infertur, solvimus, sed etiam ex eadem sententia probavimus semper non adesse fidelibus gratiam qua possint tentationem sustinere ac vincere. Hanc pro∣missionem in his qui secundum propositum vocati sunt, impleri docet S. Augustinus. Confirmat Hormisdas Papa: Tentatus est Petrus supra quàm posset sustinere. Quam verum est quod Deus in om∣nibus, qui tentantur, non facit cum tentatione pro∣ventum, seu, ut habet textus Graecus, & ut saepe S. Augustinus & S. Hieronymus loquuntur, non facit exitum ut possint sustinere! alias omnes in ten∣tatione proficerent, evaderent, nullusque defice∣ret.

Quamvis autem ista Apostoli verba intelligi tan∣tum debeant de praedestinatis, vult tamen Augu∣stinus, ut prudens Pastor illis verbis utatur ad con∣firmandum hominem infirmum, qui in cultu Dei tentationes reformidare posset; quia oportet ut cum illo agat tamquam cum electo, ad quem proinde pertineant promissa Dei de protectione & conser∣vatione suorum electorum, ita tamen, ut, cum eum

de tali protectione divina securum faciat, hac con∣ditione faciat, ut non dimittat Deum corripientem & exhortantem, terrentem & consolantem, per∣cutientem & sanantem, quemadmodum extremis verbis loquitur Augustinus.

Verum haec conditio, sicut & quaelibet alia ad salutem pertinens, donum est gratiae singularis; si∣cut & praemium, ut supra demonstratum est, obser∣vatione 3 praemissa ad responsiones.