To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
Ejusdem libri capite 4.UBi si dixeris, Volo servare, sed vincor à con∣cupiscentia mea, respondet Scriptura libero e∣jus arbitrio quae jam superius dixi: Noli vinci à malo, sed vince in bono malum; quod tamen ut fiat, adjuvat gratia, &c.
QƲod ut fiat, inquit S. Augustinus in loco citato (ut scilicet vincatur in bono malum) adjuvat gratia. Verum nec semper, nec omnes adjuvat
ut paret ex his verbis immediate sequentibus, quae nisi adjuverit, nihil lex erit nisi virtus peccati: Nonne enim his verbis denotatur, gratiam non semper adjuvare? Ita sunt assueti fraudibus adversa∣rii, ut ludum putent verba reticere tam aperta, quae ita conferunt ad sensum atque explanationem testi∣monii quod citant, ut eorum reticentia sensum om∣nino contrarium in animum legentis ingeneret. Hoc profecto committere horreret mens hominis quae nondum pudori omni renunciasset.
Tam vero clarum est, hoc ipso capite S. Augusti∣num docere gratiam omnibus non dari, ut illud & in verbis antecedentibus & in consequentibus tradat, Dicit enim omnes, quibus datur gratia continendi, continere: Ex quo sequitur, omnibus hanc grati∣am non dari, siquidem multi seipsos non continent; Et tamen, inquit, non omnes capiunt verbum hoc (Contine teipsum,) sed quibus datum est; quibus e∣nim non est datum, aut nolunt, aut non implent quod volunt; quibus autem datum est, sic volunt, ut im∣pleant quod volunt. Et paulo post in fine ejusdem capitis S. Augustinus sic loquitur: Ecce unde dicit homo, Volo legis servare mandatum, sed virtute con∣cupiscentiae meae vincor: Et cùm voluntas ejus con∣venitur, & ei dicitur, Noli vinci à malo, quid ei prodest, nisi gratiâ succurrente fiat? quod ipse Apo∣stolus secutus adjunxit: Gratias autem Deo qui dat nobis victoriam per Dominum nostrum Jesum Chri∣stum; ergo & victoria quâ peccatum vincitur, nihil aliud est quàm donum Dei in isto certamine adju∣vantis liberum arbitrium.
Quis itaque non miretur adversarios ex eo colli∣gere, gratiam sufficientem omnibus dari qui se di∣cunt a propria cupiditate superari, quod illorum ar∣bitrium per legem conveniatur, cum S. Augustinus expresse dicat hanc legem nihil homini prodesse, nisi Deus illum adjuvet, Deum autem hominem ad∣juvare, quando dat illi victoriam per Jesum Chri∣stum; cum ergo non dot omnibus victoriam per Jesum Christum, nonne consequitur evidenter, Deum omnes infirmos non adjuvare cum per legem conveniuntur?
Et ut mala fides adversariorum, vel eorum igno∣rantia in doctrina S. Augustini magis pateat, suffi∣ciet nobis unum ex ejus testimoniis inter sexcenta producete. Ex serm. 4. de diversis, ubi clarissime docet, peccatorem auxilio Dei destiturum, non posse de ignorantia & de sua infirmitate conqueri, seu excusationes praetexere, quo minus peccet & pereat.
Si acceperis legem, inquit, & defuerit tibi adjutorium spiritus, non imples quod legis, non imples quod tibi jubetur; sed homo sub lege insuper praevaricator tenetur: accedat spiritus; ad∣juvet, & fit quod jubetur; si defit spiritus, litera occidit te; quare litera occidit te? quia peccato∣rem te facit, nec potes te excusare de ignorantia, quia legem accepisti; jam quod faceres didicisti, ignorantia te non excusat, spiritus te non adjuvat: ergo peristi.