The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

SCRIPTUM ADVERSARIORUM.

[XIV. Testimonium.]

Idem in Psalm 56.

NEque imperaret hoc Deus ut faceremus, si im∣possibile judicaret ut hoc ab homine fieret; si considerans infirmitatem tuam deficis sub praecepto, confortare in exemplo: sed etiam exemplum ad te multum est, adest ille qui praebuit exemplum ut prae∣beat auxilium.

RESPONSIO.

VErum est quod Deus nihil imperaret si per ad∣jutorium gratiae non posset homo, quod per vitium naturae non potest. Adjutos autem homines, ait Augustinus 1 1.1 , novimus Spiritu Dei, ut ea vellent quae Dei sunt, ante baptismum, sicut Corne∣lium; quosdam vero nec post baptismum, sicut Si∣monem Magum; judicia enim Dei abyssus multa. Et lib. 2 de peccat. me••it. cap. 5; Cur autem illum adjuvet, illum non adjuvet, illum tantum, illum au∣tem non tantum, istum illo, illum isto modo, penes ip∣sum est & aequitatis tam secreta ratio, & excellentia potestatis.

Jam vero quod S. Augustinus subjicit, Si deficis sub praecepto, adest ille qui praebeat adjutorium, du∣plici sensu S. Augustini verissimum est. Primo sub hac conditione, si illud adjutorium petas, & tan∣tum petas, quantum res ista petenda est. Secundo sub alia conditione, si filius es pacis & promissio∣nis, quales, ut supra monitum est, sentiebat S. Au∣gustinus esse fideles quibus praedicabat, exemplo Pauli dicentis: Sicut mihi justum est hoc sentire pro omnibus v••bis, eo quod habeam vos in corde.

Notes

• 1 1.1

  Lib. 1. oper. imperf. cap. 98.