The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

SECT. III.

SI damnetur tertia propositio in sensu explicato, de fide stabilietur impossibilem esse gratiam de se efficacem, dari de facto scientiam mediam, & Christum electum esse ex meritis.

Si semel definitum sit de fide, ad meritum & de∣meritum requiri libertatem ab omni necessitate, de fide etiam erit impossibilem esse etiam gratiam de se efficacem, quod etiam docet 19 1.1 Molina. Se∣quela ita probatur. Quod repugnat libertati neces∣sariae ad meritum, est impossibile in homine viato∣re; sed gratia de se efficax repugnat libertati ab

omni necessitate necessariae ad meritum, nam gratia de se efficax spectat necessitatem infallibilitatis; er∣go gratia de se efficax erit impossibilis. Hoc tamen censuerunt 3 1.2 Consultores de Auxiliis esse Semipe∣lagianum & contra 4 1.3 S. Augustinum.

Sequitur secundo, dati scientiam mediam quam docet 5 1.4 Molina. Probatur sequela. Datur illud si∣ne quo non potest salvari in nostris operibus libertas ab omni necessitate, etiam infallibilitatis: sed sine scientia media hoc non potest salvati, ut docet Mo∣lina: & ratio est quia si decretum Dei antecedat praevisionem nostri consensus, consensus noster se∣quetur necessario necessitate infallibilitatis; ergo debet dati scientia media, quam censuerunt 6 1.5 Consultores sacrae Congregationis esse Pelagianam & contra 7 1.6 S. Augustinum.

Sequitur tertio, Deum decrevisse offerre excel∣lentiora dona animae Christi quia praevidit eam pro sua innata libertate usuram esse illis, ut expresse as∣serit 8 1.7 Molina. Probatur sequela: quia alias usus ille donorum non fuisset in Christo meritorius, ut∣pote cum non esset liber ab omni necessitate. Si e∣nim Deus decernat aliquem actum ante praevisum consensum voluntatis creatae, actus ille non est li∣ber libertate sufficiente ad meritum, ut dicit proposi∣tio. Ex quo manifeste infertur contra expressa verba D. Pauli Christum non meruisse sibi vel nobis per a∣ctum quo voluit obedire, nisi ea ratione quod Deus praevidit eum pro sua innata libertate usurum illis ex∣cellentioribus donis, quod quantum faveat Arianis & Nestorianis, constare videtur ex 9 1.8 Athanasio, 10 1.9 Alexandro Episcopo Alexandrino, 11 1.10 Au∣gustino, 12 1.11 Prospero & aliis, judicet sancta Sedes.

Pro hac ergo tertia propositione reponimus i∣stam:

13 1.12 Ad meritum requiritur potentia peccandi, quae est laudabilis, est a Deo, & est pars libertatis.

Notes

• 19 1.1

  Molina p. 1. 23. a. 4. & 5. disp. 1. membro 6. Sect. Certe non dubitatem. Renovat Pseudo-Suar. lib. 5. cap. 19. & P. Annatus lib. 4. cap. 7.
• 3 1.2

  In Congr. cit. Sect. 1. n. 2.
• 4 1.3

  Aug. de praedest. SS. cap. 10.
• 5 1.4

  Molina in Concord. q. 14. art. 13. disp. 50. Pseudo-Suar. Prolog. & supponit P. Annatus.
• 6 1.5

  Congr. 10. an. 1598. Congr. 12. an. 1600. Congr. 13. & 46. an 1601. Congr. 60. & 62. an. 1604. Congr. 8. an. 1606. & inpraepar. Bullae prop. 31.
• 7 1.6

  D. Aug. toto libro de praedest. SS.
• 8 1.7

  Molina Concord. p. 1. q. 23. art. 4. & 5. disp. 1. m. 9. Sect. Illud autem.
• 9 1.8

  S. Athan. orat. 2. contra Arianos.
• 10 1.9

  Alexander Episc. Alexandr. in epistolis.
• 11 1.10

  S. Aug. de praedest. SS. cap. 15.
• 12 1.11

  S. Prosper in epitaphio haeresis Pelagianae & Nestorianae.
• 13 1.12

  Vasquez 1 p. q. 19. art. 10. circa solutionem 1 argum.