The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

The secend Writing.

Quid intendant qui petunt quinque propositiones damnari?

Qui petunt à Sanctissimo damnari quinque Pro∣positiones, tria potissimum intendunt.

PRimum est ut tota doctrina Molinae definiatur. Hoc ipsos intendere ostenditur primo, 2 1.1 quia tota doctrina Molinae stabilitur ex damnatione harum quinque propositionum; notum est autem quanto studio tota Societas illam Molinae doctri∣nam amplexata ac tutata fuerit sub felicis recorda∣tionis Clemente VIII. et Paulo V. ac deinceps. Unde eandem fere totam revocavit liber Pseudo∣Suari 3 1.2 Lugduni anno superiori impressus. Sa∣tagentibus Jesuitis de Auxiliis contra Pontificias sanciones, idemque de novo praestiterunt ex parte P. Adam et P. Annatus Jesuitae.

Quod autem Patres Societatis curent per hos Doctores Sorbonicos peti damnationem harum propositionum, patet ex scedula Gallice scripta a quodam Jesuita ad ipsos, quam exhibebimus, ex continuis colloquiis et conciliis quae habent cum Jesuitis, et qu••a. iisdem argumentis ipsi et Jesuitae impugnant propositiones. Noluerunt tamen PP. Societatis per se ipsos petere hanc damnationem, ne Fratres Praedicatores moverentur, contenta sub his quinque propositionibus innotesceret Eminentissi∣mis DD. Cardinalibus et suae Sanctitati; et valde notandum est quod eodem tempore Romae et in Hispania excitarunt controversias de Conceptione lib. ult. sicut olim fecerant sub Paulo V. ut hac ratione contra illos concitarent fideles.

Secundo. Patet haec illorum intentio quia plures aliae propositiones continentur in Jansenio multo periculosiores istis, ut ipsi dicunt, et tamen non petunt condemnationem nisi harum quinque tan∣gentium materiam de Auxiliis, ut constat ex sensu Catholico quem explicamus. Aliunde vero ex istis quinque sola prima habetur formaliter in Jansenio 1 1.3 secunda & tertia expresse negantur ab illo, quar∣ta & quinta non habentur apud illum, quamvis pos∣sint aliquo modo ex i••lo colligi: Et omnes sunt fraudulenter compositae; quare constat studio im∣pugnandi non Jansenium sed Fratres Praedicatores, has quinque tantum proponi.

Tertio. Patet haec illorum intentio quia petunt ut damnentur hae quinque propositiones in sensu Jansenii: Nolumus quidem defendere Jansenium, quem in multis scimus esse contrarium iis quae tan∣quam S. Augustini & S. Thomae 2 1.4 semper Schola nostra defendit, maxime coram Clemente. VIII. & Paulo V. Sed tamen ostendimus sensum Jan∣senii 3 1.5 in his propositionibus procedere de gra∣tia efficaci: Et quamvis, ut ipsi aiunt, procederet de gratia sufficienti, quam dicunt negari a Janse∣nio, non potest attingi hoc punctum, quin & simul attingatur ob connexionem materia de Au∣xiliis. Imo vero Jansenius vel sibi contradicit, & sic non est damnandus in utraque contradictoria, alias S. Sedes contradictoria definiret, vel admittit reipsa gratiam sufficientem 4 1.6 non ad sensum Molinae & quorundam aliorum qui defenderunt doctrinam S. Augustini coram Clemente VIII. & Paulo V.

Secunda illorum intentio.

ESt ut intra paucos menses evertantur omnia, quae fere per decennium gesta & decreta sunt sub Clemente VIII & Paulo V. in trecentis pene Congregationibus.

Probatur primo. Quia stabilita Molinae doctrina, evertuntur omnia in illis Congregationibus per∣acta, 5 1.7 cum in illis doctrina Molinae qualificata sit a Censoribus depuratis ut Pelagiana & Semipe∣lagiana.

Secundo. Patet 6 1.8 quia has quinque proposi∣tiones non sic artificiose collectas, sed seorsim ob∣jecerunt PP. Societatis, FF. Praedicatoribus in prae∣fatis Congregationibus tanquam absurda quae seque∣bantur ex ipsorum sententia.

Tertio. Quia omnia sere loca Scripturae, Con∣liorum, Sancti Augustini, & Sancti Thomae, quae modo adducunt pro damnatione harum quinque propositionum, fuerunt adducta a Patribus Socie∣tatis contra Fratres Praedicatores in praedictis Con∣gregationibus, ut ostendemus quando placuerit suae Sanctitati; & quod caput est, sicut tunc aliqua trun∣cabant & falsificabant, ita & nunc, cujus rei spe∣cimen exhibemus.

Tertia illorum intentio.

ESt 1 1.9 pessundare D. Augustini auctoritatem approbatam ab Ecclesia in materia de gratia & praedestinatione.

Probatur primo. Quia 2 1.10 hoc sequitur mani∣feste ex damnatione quartae & quintae propositio∣nis.

Secundo. Quia eadem intentione quae olim Mo∣lina & alii dixerant irreverenter, P. Annatus, P. Adam, & P. Pallavicinus ejusdem Societatis reno∣varunt 3 1.11 his temporibus.

Tertio. Quia iisdem locis Scripturae utuntur contra has propositiones, quibus abutebantur Pela∣giani & Semipelagiani contra D. Augustinum 4 1.12 ut susius ostendetur, cum sua Sanctitas dignabitur audire.

Notes

• 2 1.1

  Hoc probatur ex scripto signato N. 2'
• 3 1.2

  Et Liber P. Adami & P. Annati recenter impressus.
• 1 1.3

  Patent haec ex eodem scripto.
• 2 1.4

  Patet hoc ex scriptis signatis N. 6 & 7.
• 3 1.5

  Hic sensus Jansenii ostenditur in scripto signato N. 3.
• 4 1.6

  Patet hoc ex scripto signato N 8.
• 5 1.7

  Constat hrc ex citationibus marginalibus in scripto signato N. 2.
• 6 1.8

  Ibidem.
• 1 1.9

  In scripto signato N. 4.
• 2 1.10

  Patet ex scripto N. 2.
• 3 1.11

  Et ex scriptio signato.
• 4 1.12

  Patet hoc ex scripto signato N. 4.