The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

A Letter of my L. the Bishop of Grasse, now of Vence to the Pope, which is found trans∣lated into English, Part. 3. Chap. 12.

The Address was thus:

Sanctissimo Patri Inno∣centio Papae X. Roman.

The Letter it self contain'd these words.

Beatissime Pater,

NOn sine magno dolore nostro audivimus scriptum nuper ad Sanctitatem Vestram de quibusdam Propositionibus, sollicitatumque judicium Vestrum de exortis inde controversiis. Non quia doleamus adiri supremum tribunal, sed quia id ita factum est priva∣tim, & ab uno tantum è nostris Fratribus carissimis, qui alios ad subscribendum impulit, non communica∣to invicem consilio, nec collatis suffragiis, aut indi∣cta Synodo, nedum re proposita in Comitiis Cleri Galli∣cani, quae opportune per id temporis haberi contigerat. Optamus certe, Beatissime Pater, & quidem ex me∣dullis animae, extingui istarum controversiarum flam∣mas omnes, sed neque id dissimulare possumus Sancti∣tati Vestrae, vereri nos non mediocriter ne minùs frigi∣da quàm oleum quaeratur huic incendio, revocandaeque pacis obtentu acriùs etiam sententiarum bella ferveant. Quid enim nunc agitur? proponuntur Sanctitati Ve∣strae propositiones quinque, eaedem prorsus••, quae ante annos duos propositae sunt Facultati Theologiae Parisi∣ensi. Et à quarum judicio eadem Facultas abstinuit & pacis causâ, & quòd animadverteret eas ut sunt sin∣gulae sensus ambigui & ancipitis, nullo ex certo aucto∣re

illis ipsis quibus conceptae sunt verbis excerptas fuis∣se; ita ut de industia ab adversae sententiae asseclis, ideò confictae viderentur, ut in perversum aliquem sensum faciliùs torqueri possent. ••is de causis facile praevidit Facultas rerum prudentissima, nihil nisi periculosè admodum statui posse de Propositionibus hujusmodi, ne scilicet in earum censuram non Cornelii Jansenii, cu∣jus nomen verbo tenus praetendi existimabat, sed quod calamito sius est, ipsius Divi Augustini atque adeò to∣tius Ecclesiae, quae Augustini judicio in causa Gratiae constanter adhaesit, doctrina incurrisse videretur. Id ve∣rò quanto malo fieret, & quàm parum reverenter id postuletur à Sanctitate Vestra, apud quam tantus est Augustinus, solus is nescit, qui Ecclesiae & Christi gratiae hostes nescit uno victore Augustino triumphatos. Ne quid igitur mali, harum propositionum ancipitibus verbis conceptarum obtentu, tanto Doctori creetur, id efflagitamus summopere uti placeat Sanctitati Ve∣strae facere dicendi potestatem utriusque sententiae pa∣tronis ac vindicibus, quemadmodum & potestas eadem facta est in re eadem a Clemente VIII. & Paulo V. beatissimae memoriae Pontificibus, ne quis in hac causa, qua non alia gravior, damnatus esse putetur inaudi∣tus, latoque judicio omnium animi facilius & luben∣tius acquiescant. Hoc à Te, Beatissime Pater, nos Sanctitatis vestrae observantissimi, per eam charitatem qua Pater es, per eam aequitatem qua judex es, per eam eruditionem qua Doctores, per Ecclesiae denique conjuncta cum tanto Doctore pericula, atque in iis maxime controversiis communem utriusque semper causam (ut docti omnes intelligunt) humillimi postu∣lamus. Perge interim quod pergis, Beatissime Pater, atque in eo rerum fastigio, ad quod Vestram Sancti∣tatem evectam gaudemus boni omnes, pro Ecclesiae fideliumque omnium salute semper & diu salvus ex∣••uba.

Sanctissime Pater,

Obsequentissimus & devotissimus filius & servus Antonius Ep. Gras∣sensis & Venciensis.