The journal of Monsr. de Saint Amour doctor of Sorbonne,: containing a full account of all the transactions both in France and at Rome, concerning the five famous propositions controverted between the Jansenists and the Molinists, from the beginning of that affair till the Popes decision. / Faithfully rendred out of French. ; A like display of the Romish state, court, interests, policies, &c. and the mighty influences of the Jesuites in that church, and many other Christian states, being not hitherto extant.

A Letter of the Bishops to the Pope, which occurs translated into English, Part. 3. Chap. 1.

It was thus di∣rected;

Beatissimo in Christo Pa∣tri Innocentio Papae X. Romam.

The Contents follow:

Beatissime Pater,

COllegae quidam ac Fratres nostri Reverendis∣simi dederunt ad Te literas de re gravissima difficillimaque, uti nobis compertum est. Orant videlicet Sanctitatem Tuam, ut perspicuam & apertam sententiam ferat de iis maxime positioni∣bus, quae superiori anno Parisiensem Scholam in∣genti contentione, nullo fructu commoverunt. Nec vero secus evenire potuit, cum & ad libi∣tum fictae, & ex ambiguis vocibus concinnatae, aliud per se nihil quam animorum jurgia, & pug∣nantium, ut fit in aequivocis, interpretationum dissidia natae sint procreare. Porro quod spectat ad Fratrum nostrorum Reverendissimorum hac in parte consilium, minime id quidem (si dicen∣dum est ipsorum cum bona venia) probari nobis potuit. Praeterquam quod enim Divinae gratiae praedestinationisque tractatio ardua est admodum,

vehementique ingeniorum aestu agitari solet, tum aliis quoque praecipuis de causis non satis tutum pro tempore censuimus tantam litem definiri ni so∣lemni sorte (quae Collegarum nostrorum mens esse non videtur) & ad Majorum norman instituto judicio, hoc est vocatis & auditis ambabus parti∣bus, ut non pridem sub oculis piae memoriae Cle∣mentis VIII. & Pauli V. factitatum est, rem totam placeat a fontibus & ex integro ventilare. Etenim aliter si agatur, utrivis demum damnati sint, inau∣ditos se & calumniam passos invidiose clamitabunt; quin & forsitan causae cognitionē nullo praeeunte concessu Synodali delatam ad Te succensebunt; & aequitatem querimoniae suae antiqui moris praejudi∣cio exemplo{que} defendentes, Alexandrinam Syno∣dum adversus Arium, Constantinopolitanam ad∣versus Eutichem, Carthaginensem & Milevitanam adversus Pelagium, & in hoc argumento Valen∣tinam Lingonensemque nostras, & alias pariter adversus alios memorabunt. Et revera, Beatissi∣me pater, si propositiones istas ad examen et ju∣dicium vocari expediret, judiciorum ordo legiti∣mus Ecclesiae totius, tum maxime Gallicanae nostrae consuetudo postulat, ut primum a nobis majores ac difficiles, quae apud nos ortae sunt, questiones dispiciantur. Aequum esset hic perpen∣dere an istae, de quibus ad Sanctitatem Tuam que∣rimonia delata est, Propositiones pro libito fictae fuerint ad excitandam invidiam, ciendosque tu∣multus; quibus in libris, quibus auctoribus, quo sensu assertae, audire hinc et inde contenden∣tes; inspice opera varia circa easdem propositio∣nes apud nos edita; sensus veros, falsos, am∣biguos discernere; quaecunque de his nostris in partibus gesta sunt, ex quo de istis assertionibus controversum est, dignoscere; tum vero quae de hac fidei causa a nobis acta & decreta essent, ad Sedis Tuae notitiam referre, ut tota hujus auctori∣tate justa quae fuerit pronuntiatio firmaretur. At apud Sedem Tuam nullo nostro praeeunte hac in causa examine ac judicio, quot potest artibus ve∣ritas opprimi? quot calumniis Praesulum ac Do∣ctorum existimatio pulsari? quibus insidiis San¦ctitas Tua in hoc maximo fidei negotio circum∣veniri? Ab iis quidem in quorum gratiam Fratres nostri Reverendissimi ad Sanctitatem Tuam scrip∣serunt, firmiter pertinaciter{que} dicitur sibi plures ex recentioribus Scholasticis favere, suam{que} doctrinam maximae esse Divinae bonitati & naturalis rationis aequitati consentaneam. Ab iis vero qui se totos Augustino tradunt, non obscure sed propalam jactitari notum est, rem de qua agitur non in me∣dio positam, finitam causam aiunt, confectum pridem negotium; veterem esse Synodorum, Ro∣manorumque Pontificum certissimum calculum; decretta obvia & aperta Tridentinae maxime, quam totam asserunt pene ut Arausicanam, ex Augustini conflatam vocibus ac sententiis; ut no∣strum scilicet Tuumque judicium non metuen∣dum sed exoptandum sibi dicant, plane sperantes sanctitatem Tuam ductu & afflatu Divini Spiri∣tus, qui te & regere consulentem & orantem ex∣audire dignatur, a Patrum placitis nec latum unguem discessuram, ne Apostolicae, quod absit, & Romanae Sedis existimatio apud Haereticos di∣ctis ejus & factis insidiantes in contemptum abeat. Id porro nunquam fore tum praecipue confidimus si videbitur Sanctitati Tuae Praecessorum Tuorum vestigiis insistenti, re tota penitus inspecta, & auditis ut solet contendentibus partibus, omnem deinceps altercandi segetem amovere. Age igi∣tur, Beatissime Pater, gravissimam litem quae a multis jam saeculis Catholicae unitatis nullo dispen∣dio hucusque perduravit, vel paulisper etiamnum patere ac sustine; vel causam hanc totam ex so∣lemni judiciorum more expende. Ac ne quid detrimenti capiat, quae Tibi credita est Christiana Respublica, etiam atque etiam vide. Deus Te felicem & incolumen servet in annos plurimos Sanctissime in Christo Pater.

Sanctitatis Vestrae

Humillimi atque obsequentissimi Servi ac Filii. Sic subscriptum in variis exemplaribus.

• In primo,
  • Ludovicus Henricus de Gondrin A. Seno∣nensis.
  • B. Delbene Ep. Aginnensis.
  • Gilbertus Ep. Convenarum.
  • Le Beron Ep. Valentiensis & Diensis.
  • A. Delbene Ep. Aurelianensis.
  • Bernardus Episcopus Sancti Papuli.
  • I. Henr. de Saltette Ep. Lescariensis in Bearnia.
  • Felix Ep. & C. Catalaunensis.
• ...In altero.
  • Franciscus Ep. Ambianensis.
• In tertio.
  • Henricus Ep. Andegavensis.
• In quarto.
  • Nicolais Episcopus & C. Bellovacensis.