Page 21
De nova acri & strenua Germanica, Bavarica cruenta Leonum pugna & Conflictu. vexillum 173.* 1.1
ROmano sceptro & diademate ab Austriaca domo fatali necessi∣tate deposito & ablato, eaque à Germanis & exteris Gallis, An∣glis, Danis, & Suecis hinc inde Confluentibus oppressa, horribilis in∣de cruenta ac acerrima pugna exorietur, qua universa Europa gravis∣sime Concussa contremiscet, & varie dilacerata & vastata insignibus mutationibus obnoxia erit. Ad eam pugnam & ad faciendas irruptio∣nes in Pomeranorum, Megapolensium, & Danorum Provincias, hujus temporis Rex Sueciae invitabitur, Scriptis atrocium Romanae sedis Legatorum, quibus si ille obtemperaverit, Socius belli sed malè & in∣auspicatè fit, ipsi propinquitate Conjunctissimus. Quamobrem suadeo Sueciam in eo statu quo eam acceperit, relinquat. Sic ipse stirps, & posteri ejus tranquillè pace & quiete fruent ur, suis contenti quibus imperant ditionibus, gentem & subditos suos reservabunt, & sibi de∣vinctos in officio retinebunt. Si verò secum Corde suo constituet, popu∣lum suum persuadere ac in devia abducere, dominus eum è medio tollet. Et sic è Carolo Magnus Carolus regnans fit, qui magno successu & fortuna septentrionalibus populis dominabitur. Et feliciter Classe sua contra Hispanicam potentiam & tyrannidem, ac eorum Classem seu Armadam ut hostis pugnabit. Et una cum Christianis junctis viribus fortiter & acriter dimicabit; Deus autem Regis conjugem Papisticam ex hac vita evocat, unde Pontifex Romanus magnum concipit terro∣rem, qui postea magis ingravescet cum Carolus Rex ipse Antichristo sese opponit, eique adversatur, & Germanorum ac vicinorum manui & robori suas copias conjungit, & oppugnat Hispanicum Diadema. Et tunc Suecus felicissimo successu, Classe & suo populo terra marique in hostem utitur.
Ex Manuscript. Pauli Grebneri Snebergensis in Bibliothe-Col. Sanctae Trinitat. Cantabrig. ex dono Eliz. Reginae Angliae.