Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 9. Diolch am orfoledd, a deisyf ar Dduw ei ymddiffin rhag llaw.

CLodforaf fi fy' Arglwydd Ion, o'm calon, ac yn hollawl: Ei ryfeddodau rhof ar led, ac mai'n ddyled eu canmawl. [verse 2] Byddaf fi lawen yn dy glod, ac ynod gorfoleddaf: I'th enw (o Dduw) y canaf glod, wyd hynod, y Goruchaf,

[verse 3] Tra y dychwelir draw'n ei hol, fy holl elynol luoedd, Llithrant o'th flaen, difethir hwy, ni ddon hwy mwy iw lleoedd. [verse 4] Cans rhoist fy' marn yn fatter da, gwnaethost eisteddfa vnion: Eisteddaist ar y gwir, yn siwr, tydi yw'r barnwr cyfion.

[verse 5] Ceryddaist, a distrywiaist di yn cenhedlaethi cyndyn:

Diwreiddiaist ynfyd yn y bon, ni bydd byth son am danyn. [verse 6] Distrywiaist dithau (elyn glâs) do lawer dinas hyfryd: Darfu dy nerth byth, darfu hyn, a'r cof o honyn hefyd.

[verse 7] Ond yr Arglwydd iw nerth a fydd, ac yn dragywydd pery: A pharod fydd ein faingc i farn, a chadarn ydyw hynny. [verse 8] Cans efe a farna y byd, a'r bobl i gyd fydd yntho: Trwy gyfiownder, heb ofni neb, a thrwy vniondeb rhagddo.

[verse 9] Gwna'r Arglwydd hefyd hyn wrth raid, trueiniaid fo i hymddiffyn: Noddfa a fydd i'r rhai'n mewn pryd, pan fo caledfyd arnyn. [verse 10] A phawb a'th edwyn rhon eu cred, a'i holl ymddiried arnad: Cans ni adewaist (Arglwydd) neb, a geisio'i wyneb attad.

[verse 11] Molwch chwi'r Arglwydd, yr hwn sydd yn sanctaidd fynydd Seion: A dwedwch i'r bobl fal yr oedd ei holl weithredoedd mowrion. [verse 12] Pan chwillo efe am waed neu drais, fe gofia lais y truain: Pan eisteddo a'r faingc y frawd, fe glyw y tlawd yn germain.

[verse 13] Dy nawdd Arglwydd, dydi ym'sydd dderchafydd o byrth angau, A gwel fy' mlinder gan' nghâs, y sydd y'm cwmpas innau.

[verse 14] Fel y mynegwyf dy holl wyrth, a hyn ymhyrth merch Seion: Ac fel y bwyf lawen a ffraeth, i'th iechydwriaeth dirion.

[verse 15] Y cenhedloedd cloddiasent ffos, lle'i suddent, agos boddi: I arall lle cuddiasant rwyd, eu traed a faglwyd ynthi. [verse 16] Yr Arglwydd nef fal hyn yn wir, adwaenir wrth ei farnau: A'r annuwiol a wnaethai'r rhwyd, yn hon y daliwyd yntau.

[verse 17] Yr annuwiol i uffern aed, ac yno gwnaed ei wely: A'r rhai' ollyngant Dduw dros gof, bydd yno fyth eu lletty, [verse 18] Cans byth y gwirion a'r dyn tlawd hyd dyddbrawd nis anghofir: Y gweiniaid a'r trueiniaid, hwy, eu gobaith mwy ni chollir.

[verse 19] O cyfod Arglwydd yn dy wyn, na âd i ddyn mo'th orfod: Barna'r cenhedloedd gar dy fron, a'th farn yn vnion gosod. [verse 20] Gyrr arnynt Arglwydd ofn dy rym, yn awchlym i'th elynion. Fel y gwybyddont, pe baent mwy, nad ydynt hwy ond dynion.