Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 68. Dafydd yn dangos trugareddau Duw iw bobl, a bod Eglwys Duw yn rhagori ar bob peth bydol.

YMgyfoded un Duw ein Ner, gwasgarer ei elynion,

Un drygddyn honynt nac arhoed, o'i flaen ffoed e'i gaseion. [verse 2] Os chwalu mwg mewn gwynt sy hawdd, os tawdd cwyr wrth eiriasdan, Fel hynny o flaen Duw (yn wir) yr enwir a ddiflannan.

[verse 3] Ond llawenycher ger bron Duw y cyfion, im orfoledd; A'i hyfrydwch hwyntwy a fydd yn llawenydd cyfannedd. [verse 4] Cenwch, a molwch enw Duw, sef hwn yw uwch y nefoedd Yn marchogaeth, megis ar farch, iw enw rowch barch byth bythoedd.

[verse 5] A gorfoleddwch gar ei fron, Duw tirion, ••âd ymddifaid, Ac i'r gweddwon mae'n farnwr da yn ei bryswylfa gannaid. [verse 6] Duw a wna rai mewn ty'n gytun, ei hun mae'n gollwng gefyn, Ac yn rhoi trigfan mewn tir crâs, i ddynion atcas cyndyn.

[verse 7] Pan aethost (Dduw) o flaen dy lu, dy daith a su drwy ddrysni, [verse 8] Y ddaiar crynodd o flaen Duw, a'r nef rhoes amryw ddefni. Ac felly Sinai o flaen Duw, sef (unduw Israel howddgar.) [verse 9] Ar d'etifeddiaeth hidlaist law, i ddiflinaw y ddaiar.

[verse 10] Gwrteithiast hon, dy bobloedd di sydd ynthi yn preswylio: Oth râd darpera••st Dduw i'r tlawd, i gael digondawd yno.

[verse 11] Yr Arglwydd Dduw a roddai'r gair mawr mintai'r cantoressau: [verse 12] Cilient gedyrn: gweiniaid arhont, yr ysbail rhont yn rhannau.

[verse 13] Pes ymdroech mewn parddu allwch chwi a fyddwch fel y glommen, A'i phlu yn aur ac arian teg, yn hedeg is yr wybren. [verse 14] Hon pan wasgarodd Duw yn chwyrn, bob cedyrn o'i gaseion, Oedd mor ddisgleirwych, ac mor wenn, ac eira'ar ben bryn Salmon.

[verse 15] Mynydd Duw (sef Sion) y sydd fel Fasan fynydd tirion: Mynydd Fasan uchel ei grib cyffelib yw i Sion. [verse 16] Chwychwi fynyddoedd cribog pam y bwriwch lam mewn cyffro? Duw ar S••ion ••i serch a roes, lle myn ef eisoes drigo.

[verse 17] Rhif ugain mil o filoedd yw angylion Duw mewn cerbyd: Ynghyssegr Sinai y bu ei wlith, bydd Duw iw plith hwy hefyd. [verse 18] I'ruchelder y derchefaist, a chaethludaist gaethiwed, Cymraist, dodaist ddoniau, Duw Ion, i ddynion oedd ddiniwed.

[verse 19] Bendigaid fyth fo'r Arglwydd man am ddoniau ei ddaioni. A'i iechydwriaeth i ni'n llwyth o beiffrwyth ei haelioni. [verse 20] Efe ei hun yw'n Duw ni i gyd, sef Duw ••in iechyd helaeth,

Drwy'r Arglwydd Dduw cawn yn ddi swrth, ddiangc oddiwrth farwolaeth.

[verse 21] Duw yn ddiammau a dyrr ben, a thalcen ei elynion, A choppa walltog rhai a fo yn rhodio mewn drwg creulon. [verse 22] Dygaf fy'mhobloedd (meddai ef) hyd adref fel o Fasan, A ddygaf hwynt iw hol drachefn, fel o'r mor donlefn allan.

[verse 23] Fel y gwlychech ditheu dy draed yn llif gwaed dy ddigassau, Ac y llyfo dy gwn heb gel y gwaed a ddel o'i briwiau. [verse 24] Gwelodd pawb (o Dduw) dy ystâd, yn dy fynediad sanctaidd, Mynediad fy' Nuw frenin fry, fel hyn iw dy cysegraidd.

[verse 25] Y cantorion, aent hwy o'r blaen, cerddorion aen ol ynol, Yna'r gweryfon, beraidd gân, ar tympan yn y canol. [verse 26] Clodforwch Dduw hynny sydd dda, ym mhob cyn llifa ddiwael, A chlodsorwch yr Arglwydd Ion, chwi sydd o ffynnon Israel.

[verse 27] Doed Benjamin y llywydd bach, doed b••llach dugia••a Juda, Doed Neputali, a Zabulon, a ••••ywysogion yna. [verse 28] Dy D••uw a drefnodd i ti nerth, a'i law sydd bry••ferth geidwad, Duw cadarn â etto yn faith arnom ni waith dy gariad.

[verse 29] Er mwyn Caersalem adail deg rhydd cedyrn anrheg yty. [verse 30] Difetha dyrfa y gwaywffyn, a'r rhai a syn ryfely. Dewr fel teirw, nwyfus fel lloc, y rhei'ni a roe yr arian: Delont i'r iawn: tyn nerth a nwy a gostwng hwy yn fuan.

[verse 31] Y pendefigion o'r Aipht draw a ddaw, ac Ethiopia, At Dduw yn brysur i roi rhodd, ac aberth gwirfodd yna. [verse 32] Holl dyrnasoedd y ddaiar lawr, i Dduw mawr cenwch foliant, Cenwch, cenwch ei glod yn rhwydd, sef Arglwydd y ogoniant.

[verse 33] Hwn a farchoggodd y nef fry, a hynny o'r dechreuaid: Wele, daw nerthol sain ei lef o eitha'r nef i wastad. [verse 34] Rhoddwch gadernid i Dduw ner, sef uchder ei ragoriaeth, Y sydd ar Israel, a'i nerth uwch wybrau pryddferth gywaeth.

[verse 35] Duw, o'th gysegr i'th ofnir di Duw Israel dodi nerthoedd, A chadernid mawr wyd i'th blaid, bendigaid sych oes oesoedd.