Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 64. Dafydd yn gweddio'n erbyn celwydd a cham-gyhuddi∣ad: er cysur i'r cyfion y mae yn dangos cospedi gaeth yr enwir.

O Arglwydd Dduw, erglyw fy llef, a chlyw, o'r nef fi'n erfyn: O Dduw cadw fy einioes i y sydd yn ofni'r gelyn. [verse 2] A chuddia fi dros ennyd bach rhag cyfrinach y rhai drwg, A rhag terfysg y rhai sy'n gwau, i wneuthur cammau amlwg.

[verse 3] Hogi tafodau fel y cledd, a dwedyd bustledd ddigon, Saethant ergydion i'm syrhau, a'r rhai'n oedd eiriau chwerwon. [verse 4] I saethu'n ddirgel bigau dur, yn erbyn pur ei galon, Yn ddisymwth heb ofni neb, a thrwy gasineb creulon.

[verse 5] Ymgryfhânt hwy yngwaith y fall, gan guddio'n gall eu rhwydau, Yna y dwedant pwy a'n gwel yn bwrw dirgel faglau?

[verse 6] Gan chwilio dyfnder drygau trwch, o fewn dirgelwch eigion, A phawb iw gilydd yn rhoi nod o geuedd gwaelodd calon.

[verse 7] Ond y mae Duw a'i saeth ynghudd, rhydd yn ddirybudd ergyd, Ef a dal adref yr hawl hon, yn ddyfn archollion gwaedlyd. [verse 8] Gwaith y tafodau drwg lle y bo, afynn lwyr syrthio arnynt, Pob dyn a'i gwel a dybia'n well gilio ymhell o ddiwrthynt.

[verse 9] Yna y dywaid pawb a'i gwel gwaith y Goruchel yw hyn, Cans felly y deallant hwy y cosbir fwyfwy'r gelyn. [verse 10] Ond yn yr Arglwydd llawenhâ, ac y gobeithia'r cyfion, A gorfoledda yntho'n iawn pob dyn ag uniawn galon.