Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 34. Dafydd wedi diangc rhag Achis, yn moli Duw, drwy roi addysg i ymddiried yn Nuw.

DIolchaf fi â chalon rwydd, i'r Arglwydd bob amserau: Ei foliant ef, a'i wir fawrhâd, sy'n wastad yn fy'ngenau.

[verse 2] Fy enaid sydd yn bostio'n rhwydd, o'm Harglwydd, ac o'm perchen: A phob difalch hynny a glyw, ac a fydd byw yn llawen.

[verse 3] Molwch fy Arglwydd gyd â mi, cydfolwn ni ei enw ef: [verse 4] Criais arno yn fy ofn caeth, a gwrando wnaeth fy ynglef, [verse 5] Y sawl a edrych arno ef, â llewyrch nef eglurir: Ni wradwyddir o honynt neb, a'i hwyneb ni chwilyddir.

[verse 6] Wele, y truan a roes lef, a Duw o'r nef yn gwrando A'i gwaredodd ef o'i holl ddrwg, a'i waedd oedd amlwg iddo. [verse 7] Angel ein Duw a dry yn gylch, o amgylch pawb a'i hofnant: Ceidw ef hwynt: a llawer gwell na chastell yw eu gwarant.

[verse 8] O profwch, gwelwch, ddaed yw, yr Arglwydd byw i'r eiddo: A gwyn ei fyd pob dyn a gred, roi ei ymddiried yntho. [verse 9] Ofnwch Ddduw ei holl sainct (heb gêl) a'i gwnel ni bydd pall arnyn: [verse 10] Nag eisiau dim sydd dda: er bod, ar gnawon llewod newyn.

[verse 11] Chychwi feibion deuwch yn nes, gwrandewch hanes ystyriol. Dowch a dysgaf ichwi yn rhwydd, ofni yr Arglwydd nefol. [verse 12] Y sawl a chwennych fywyd hir, a gweled gwir ddaioni:

Cae dy enau rhag drwg di bwyll, a'th safn rhag twyll a gwegi.

[verse 13] Gwrthod ddrwg, gwna dda; a chais hedd, hon hyd y diwedd dylyn: A chadw'r heddwch wedi ei chael, fal dyna ddiwael destyn. [verse 14] Y mae yr Arglwydd a'i olwg ar y dyn diddrwg cyfion: A'i glustiau ef o'i lawn wir fodd, egorodd i'r thai gwirion.

[verse 15] Wyneb yr Ion a'i guwch sy dynn, yn erbyn gweithwyr diffaith: Y coffa o honynt ef a'i tyrr; ar fyrr o'r ddaiar ymaith, [verse 16] Hawdd y clybu fy Naf o'r nef, leferydd llef y cyfion: A thrâ buan (o'i râd a'i rodd) y tynnodd o'i trallodion.

[verse 17] Agos iawn yw ein Duw at gur y galon bur ddrylliedig: A da y ceidw ef bob pryd yr yspryd cystuddiedig. [verse 18] Trwch, ie ac aflwyddiannus iawn, a fydd gwr cyfiawn weithian: Ei ddrygau oll, Duw oddi fry a'i tyn, a'i try i'r gorau.

[verse 19] Ceidw ei esgyrn ef ei hun o honynt un ni ddryllir: A drwg a laddo y drwg was, â ffrwyth ei gas y lleddir. [verse 20] Either holl wasnaethwyr Duw ei hun, yr Arglwydd gun a'i gwared: I'r sawl a'mddiried yntho ef, ni all llaw gref mor'r niwe••.