Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 109. Dafydd, wedi ei gyhuddo ef ar gam gan weineith∣wyr Saul, yn gweddio ar Dduw am help i ddinistrio ei elynion.

O Dduw fy'moliant i na thaw, [verse 2] cans genau'r annuwiolion:

A'i tafod twyllgar, a'i safn rhwth, anaf sy'n bygwth digon. [verse 3] Daethant i'm cylch â geiriau câs, rhoent ddiflas sen anynad. [verse 4] Fal hyn i'm talent ddrwg dros dda, [verse 5] a chas a gaf am gariad.

Ac fel yr oeddynt hwy fal hyn, i'm herbyn wedi codi, Fy wyneb attad ti a drois, ac arnat rhoes fy' ngweddi. [verse 6] Bid Sathan ar ei ddehau law, i'r swydd y daw yn barod, [verse 7] A phan roer barn, yn euod boed, a'i weddi troed yn bechod.

[verse 8] Bo ei oes yn fer, ac yn ddilwydd, a'i swydd arall iw chymryd. [verse 9] Poed yn ymddifaid y bo ei blant, a'i weddw yn fethiant hefyd. [verse 10] A boed ei blant yn crwydro byd, i gymryd mân gerdodau: A cheisiant hyn rhyd dyrys dir, lle y bytho hir eu prydiau.

[verse 11] Yn rhwyd y ceisiad eidda syrth ai lafur pyrth ddieithriaid: [verse 12] Na ddel iddo nawdd am ei fai, na chwaith i'w rai ymddifaid. [verse 13] Doed distryw dial ar ei hil, a'i eppil a ddileer, [verse 14] Am bechodau ei dâd a'i fam y caiff ef lam ryw amser.

[verse 15] A bydded hyn i gyd gar bron yr Arglwydd gyfion farnwr, Ar hwn a'i torro, fel na bo mwy gofio eu anghyflwr.

[verse 16] Erioed ni cheisiodd wneuthur hedd, na thrugaredd i ddyn gwan, Ond erlid tlawd ar isel radd, a cheisio lladd y truan.

[verse 17] Hoffodd felldith a hi a ddaeth, ac fel y gwnaeth bid iddo Casâodd fendith, ac ni chai, ond pell yr ai oddiwrtho. [verse 18] Gwisgodd felldith fel dillad gwr, a daw fel dwr iw galon, Fel olew doed iw esgyrn fo, hyd oni chaffo ddigon.

[verse 19] A'r felldith bid iw gylch yn dyn, fel yn ddilledyn iddo: A'i gwisgo hi bid iddo'n d••sg, fel gwregys gwasg am dano. [verse 20] A hyn g••n Dduw a gaf yn dâl, i'r gelyn gwamal enbyd, Addwero neu a wnelo gam, neu ••iwed am fy' mywyd.

[verse 21] D••h••u Dduw er mwyn d'enw gwna, herwydd mai da d'ymwared; Gwna dy d••ugaredd a myfi, a bryssi•• di i'm gwared. [verse 22] O herwydd tlawd a rheidus wyf, a dit fawr glwyif i'm calon, [verse 23] Symudiad cyscod a fai'n ffo, hyn er na welo dynion:

Mor ansefydlog yw fy'stad: a'r m••d ad geiliog rhedyn, [verse 24] Fy'ng hnawd yn gul, fy'ngliniau'n wan a ••iglan o dra newyn, [verse 25] Gwarth wyf i'm câs yn fy' ngwael ddrych, a hwynt wrth edrych, arnaf

A'm diystyrent dan droi tro, a than bensiglo attaf.

[verse 26] Cymorth di fi Arglwydd fy Nuw, cadw fi'n fyw â'th nodded: [verse 27] Fel y gwyper mai gwaith dy law, yw'r lles addaw i'w gwared. [verse 28] Melldithiantnac eiriechant hwy, dod fendith fwy i minnau, Bid gwarth i'm gwrthwynebwyr câs, gorfoledd i'th wâs dithau.

[verse 29] A gwarth a gwradwydd gwisger hwy ac fwyfwy y del attynt: A mantell laes o gwilydd mawr, gwisg di hyd lawr am danynt. [verse 30] Ond fi, gan ddiolch i'm Ior mau, â'm genau mawl a ganaf: Ac a rof glod iw enw cu, lle bytho'r llu yn amlaf.

[verse 31] O herwydd ar dde heulaw'r tlawd y saif ddydd brawd yn gefnog; I gadw ei enasd ef yn gu, rhag ei farnu yn euog.