Annotations upon some difficult texts in all the books of the New Testament by Sr. Norton Knatchbull ...

LECTORI S.

HAbes hîc, Amice Lector, animad∣versiones nostras in Libros Novi Testamenti ultimâ manu jam auctas, & e∣mendatas, absque omni partium Studio, ut antea dixi, ruri exaratas, ut ex ipso stylo vel primos enties intuitu. Aliqua quae non ita necessariò faciebant ad sacrum codicem (quod praecipuè fuit in voto) à solaecis∣mis quos vulgò tam in Expositione quàm in Versione sacris Scriptoribus impingunt interpretes vindicandum, de industria prae∣termisi, ne te nimio lassarem taedio. A∣liqua jam etiam addidi, Aliqua emendavi. Quod si quis arguat recessisse à sensu ve∣terum vel recentiorum interpretum, ut jam priùs dictum, non est quod reponam. Imò si id non fecissem, omninò non scripsissem. Rursus verò dico me utrisque vehementer suam debere reverentiam, sed nec meam

nec alterius fidem velìm mancipari. Si quid profecerim in voto, mercedem habeo, sin minùs, operam non totus perdidi; in mag∣no conatu est voluisse aliquid. Unicum tan∣tùm monendum superest. Quòd si quis sus∣picetur plagii, quo nihil magìs horreo, & fortè dicat Animadversiones ex nostris ali∣quas mutuatas vel excerptas esse ex notis 〈 in non-Latin alphabet 〉〈 in non-Latin alphabet 〉 Hammondi nostri in Libros Novi Testamenti, quales sunt in verba illa, 〈 in non-Latin alphabet 〉〈 in non-Latin alphabet 〉, Act. 7.19. 〈 in non-Latin alphabet 〉〈 in non-Latin alphabet 〉, Rom. 16.25. 〈 in non-Latin alphabet 〉〈 in non-Latin alphabet 〉, 1 Cor. 5.13. 〈 in non-Latin alphabet 〉〈 in non-Latin alphabet 〉, 1 Cor. 7.17. 〈 in non-Latin alphabet 〉〈 in non-Latin alphabet 〉, 23. 〈 in non-Latin alphabet 〉〈 in non-Latin alphabet 〉, Heb. 12.24. & perpaucissimae quaedam aliae: Sciat velim, ex nostris istas aliquas à no∣bis esse Scriptas priùs quam ejus erant om∣ninò editae, neque in ejus prima editione omninò extitisse, at ab ipso in secunda fu∣isse additas postquam chartas nostras, quas ei pro diuturna inter nos amicitia rogatus non negare poteram, perlegisset, & in suum usum quas voluit accomodasset. Cujus rei testem non desiderarem nisi ipsum, si in vi∣vis permansisset. Etsi rem ipsam abundè

testari possem ex variis inter me & ip∣sum datis literis, & chartis. Nec id so∣lùm, sed etiam sciat, ipsum me ingenter animasse, ut in incaepto pergerem, & nostras etiam publicis mandarem typis, quod tan∣dem factum est eo ipso anno quo ejus e∣rant secundò editae, viz. 1659. Neque haec dixissem sed omnino siluissem, si non Vir Doctissimus nuper in sua Synopsi Critico∣rum quasdam ex nostris animadversionibus sub ejus nomine Latinè publicasset, adeò ut nisi te hoc etiam monerem publicè, reus forem ego plagii coràm universo literato∣rum mundo. Hoc te igitur moneri velim. Quisquis verò interìm has chartulas perle∣geris, pro candore tuo si quid erratum sit, ignosces. Vale.