Page [unnumbered]
AD NOBILISSIMUM AUTHOREM.
JActitet immensi Salomonem Machina Templi Structorem, Graduum te Chorus ipse canit: * 1.1Illius obruitur moles operosa ruinâ, Vim frustra his infers Vespasiane tuam. Ficta Poetarum torpescant Numina, quorum Gleba Sepulchralis Frigida Membra tegit: Musanum Lymphis incassùm labra retingunt, Ni prunam Linguis praebeat Ara suis. Vestris aspirat caeptis Deus ille Deorum, Et sic Divino jure Pocta cluis: Te merito canimus; cujus conscendere Scalam Laurea subrepens ambitiosa cupit: Te miseret Plantae; quoties tremebunda precatur Ut Paradisiacis insita, vivat, Agris. O Dilecte Deo! pergas tibi ut Orbis Honore Agnoscat nullum, nec Pietate, parem: Oro, ut dignêris Triviae Tentamina Musae Quâ placidâ semper Fronte videre soles: Forsitan insolitum videar compingere Carmen; Scilicet appositè scribere causa vetat.Honoris vestri obsequio deditissimus, S. H.