Les Articles de la F. O. I.
JE croi en Dieu le Pere Tout-puissant,
Qui crea terre & ciel resplendissant,
Et en son Fils unique Jesus Christ,
Nostre Seigneur, conceu du saint Esprit;
Et de Marie entiere Vierge né:
Dessous Pilate à tort passionné,
Crucifié, mort, en croix estendu:
Au tombeau mis, aux enfers descendu,
Et, qui de mort reprit vie au tiers jour:
Monta là sus au celeste sejour,
Là il se sied à la dextre du Pere,
Pere eternel, qui tout peut & tempere:
Et doit encor' de là venir ici
Juger les morts, & les vivans aussi.
AU saint Espris ma ferme foi est mise
Je croi la sainte & catholique Eglise,
Estre des saints & des fideles une
Vraye union, entr'eux en tout commune:
De nos pechez pleine remission:
Finalement croi la vie eternelle,
Telle est ma foi, & veux mourir en elle.