DIMANCHE LV.
AQui appartient-il, tant de bapti∣zer, que d'administrer la Cene?
A ceux qui ont charge publique en l'Eglise d'enseigner: car ce sont choses conjointes que de prescher la Parole, & distribuer les Sacremens.
N'y en a t'il pas certaine preuve?
Ouï bien: car nostre Seigneur donne specialement la charge à ses Apostres tant de baptizer comme de prescher. Et tou∣chant la Cene il commande que nous la fassions à son exemple. Or il avoit fait office de Ministre pour la donner aux autres.
Mais les Pasteurs, qui sont dispensateurs des Sacremens, y doivent-ils admettre sans discretion tous ceux qui s'y presentent?
Touchant le Baptesme, pource qu'au∣jourd'hui on ne Padministre qu'aux petits enfans il n'est point besoin de discerner. Mais de la Cene, il faut bien que le Ministre reaarde de ne la point bailler à un homme qu'on connoist en estre du tout indigne.
Pourquoi?
Pource que ce seroit polluer & desho∣norer le Sacrement.
Mais nostre Seigneur y a bien receu Judas, quelque méchant qu'il fust?
Son iniquité estoit encore cachée: & bien que nostre Seigneur la connust, si n'estoit-elle pas notoire a tous.
Que sera-ce donc des hypocrites?
Le Ministre ne les peut exclurre com∣me indignes, mais doit attendre que le Seigneur ait relevé leur mechanceté.
Et s'il en connoist quelques-uns indi∣gnes, ou qu'il en soit averti?
Cela ne sussit point pour les exclurre.