Les Pseaumes de David mis en rime Françoise par Clem. Marot & Theodore De Beze.

DIMANCHE LV.

M.

AQui appartient-il, tant de bapti∣zer, que d'administrer la Cene?

E.

A ceux qui ont charge publique en l'Eglise d'enseigner: car ce sont choses conjointes que de prescher la Parole, & distribuer les Sacremens.

M.

N'y en a t'il pas certaine preuve?

E.

Ouï bien: car nostre Seigneur donne specialement la charge à ses Apostres tant de baptizer comme de prescher. Et tou∣chant la Cene il commande que nous la fassions à son exemple. Or il avoit fait office de Ministre pour la donner aux autres.

M.

Mais les Pasteurs, qui sont dispensateurs des Sacremens, y doivent-ils admettre sans discretion tous ceux qui s'y presentent?

E.

Touchant le Baptesme, pource qu'au∣jourd'hui on ne Padministre qu'aux petits enfans il n'est point besoin de discerner. Mais de la Cene, il faut bien que le Ministre reaarde de ne la point bailler à un homme qu'on connoist en estre du tout indigne.

M.

Pourquoi?

E.

Pource que ce seroit polluer & desho∣norer le Sacrement.

M.

Mais nostre Seigneur y a bien receu Judas, quelque méchant qu'il fust?

E.

Son iniquité estoit encore cachée: & bien que nostre Seigneur la connust, si n'estoit-elle pas notoire a tous.

M.

Que sera-ce donc des hypocrites?

E.

Le Ministre ne les peut exclurre com∣me indignes, mais doit attendre que le Seigneur ait relevé leur mechanceté.

M.

Et s'il en connoist quelques-uns indi∣gnes, ou qu'il en soit averti?

E.

Cela ne sussit point pour les exclurre.

finon qu'il y ait approbation suffisante, & jugement de l'Eglise.

M.

Il faut donc qu'il y ait quelque ordre & police sur cela?

E.

Ouï, si l'Eglise est bien reglée: c'est qu'on depute des personnages pour veiller sur les scandales qui pourroient estre; & qu'iceux en l'authorité de l'Eglise inte$$|sent la communion à ceux qui n'en $word$ nullement capables, & ausquels on ne à peut donner sans deshonorer Dieu & $word$ dalizer les fideles.