Page [unnumbered]
DIMANCHE XXIX.
DI le sixiéme commandement.
Tu ne tuëras point.
Ne defend-il sinon d'estre meurtrier?
E Si fait bien: car puis que c'est Dieu qui parle, non seulement il nous impose loi sur les oeuvres exterieures, mais principalement sur les affections de nostre coeur.
Tu entens donc qu'il y a une espece de meurtre interieur que Dieu nous defend ici?
Ouï, qui est haine & rancune, & desir de mal faire à nostre prochain.
Suffit-il de ne point haïr, & ne point porter mauvaise affection?
Non: car Dieu en condamnant la haine, signifie qu'il requiert que nous aimions nos prochains, & procurions leur salut, & le tout de vraye affection & sans feintise.
Di le septiéme commandement.
Tu nè paillarder as point.
Quelle est la somme?
Que toute paillardise est maudite de Dieu: & pourtant qu'il nous en faut abstenir, si nous ne voulons provoquer son ire contre nous.
Ne requiert-il autre chose?
Il nous faut toûjours regarder la nature du Legislateur, lequel ne s'arreste pas seu∣lement à l'oeuvre exterieure, mais deman∣de l'affection du coeur.
Qu'est-ce donc qu'il emporte?
Puis que nos corps & nos ames sont temples du Saint Esprit, que nous les con∣servions en toute honnesteté. Etainsi, que nous soyons chastes, non seulement de fait, mais aussi de desirs, de paroles & de gestes, tellement qu'il n'y ait nulle partie en nous soiiillée d'impudicité.