Le Sens MORAL.
LA ligue de ces quatre Taureaux qui assemblerent leur force pour resister au Lyon, et furent invincibles par le moyen de leur bonne Intelligence, contient vn Discours assez commune, Et ce qu' Esope a judicieusement inventè du Laboureur nous auons veu en la personne d'vn Roy de Scythie nomme Silure, qui appella ses enfans à l'article de la mort, et leur fait faire la mesme Experience qui est contenüe dans le discours de cette Fable, & nous apprend que plus nos forces sont vnies, moins faciles elles sont à vaincre, Tesmoin ce fameux Axiome des Philosophes naturels, Que toute Vertu est plus forte quand elle est vnic, que lors qu' elle est disperseè. C'est facile parcour∣rir les grands Estats pour prouuer cette veritè et pour faire voir com∣bien la Discorde leur a este dommageable. Pour toucher seulement par celuy des Perses, N' est il pas vray que la Ruine de ce grand Em∣pire a pris sa naissance des discords de Cyrus? Les Grecs ne perdirent ils point leur libertè par le moyen de leur Diuisions intestines? Donnons doncques cet Euloge à la Concorde, Qu' elle est entierement bien seante et vertueuse, Qu' elle establit les maisons, Qu' elle augmente, et affermit les Empires, repousse les forces estrangeres, maintient les Intestines, rend les hommes sociables, et perfectionne les Arts; Bref, Qu' elle est le plus desirable Bien qui se puisse rencontrer parmy les mortels, Car il n'y à rien plus ferme que bon Accord, mais Discord rend voire les plus puissans imbecilles.