Page 196
FABLE. XCVIII.
AU temps que les Arbres parloyent, vn Paysan s' en alla dans vne Forest, et la pria de luy accorder de couper autant de bois, qu' il auoit besoing pour faire vn manche à fa coigneè; ce qu' il obtint facilement de la Forest. Mais comme elle vit qu'estant emmancheè, il s' en seruoit à couper les Arbres, elle se repentit alors, quoy que cela fut en vain de sa trop grande facilitè, et fut en colere contre soy mesme d'auoir estè cause de sa ruine.
Le Sens MORALE.
CEtte Fable nous apprend que les hommes ont tort de se plain∣dre des disgraces, qui leur arriuent, et d'en accuser la For∣tune, qui n' en est aucunement la cause, mais eux mesmes; Et de fait les malheurs, qui nous ariuent le plus souvent viennent par nostre imprudence, et par nostre propre faute: Cette veritè paroist clairement dans la temeraire entreprinse de Phaeton, dont la presomption fut la cause de sa ruine, sans qu' il eut aucun subject de s' en prendre qu' a luy mesme.