Le Sens MORAL.
CEtte Fable nous apprend, qu' vn seul ne peut rien contre plusieurs; Que les Grands doiuent apprehender la colere des Petits, Qu'il n' y à point de jeu à se vouloir vanger de ceux, à qui nous auons donnè sujet de nous nuire; Et qu' en tout cas, il vaut mieux endurer vn Mal qu' ils nous font, que se mettre en danger d'en souffrir vne infinité. Quelque sorte qu' en soit la liaison, elle s' affoiblit souuènt par les moindres Ennemis, quand ils vnissent en nombre, La Vengeance est vne espece de Justice sauuage et brutalle, et ne s' en trouue que trop parmy eux qui sont bien contens de faire comme l'Ours de cette Fa∣ble, c' est à dire à manger la plus pure substance des Innocens, et de ne vouloir pas toutesfois, que ces pauures gens s' en ressentent; Car alors, s' ils en reçoiuent le moindre deplaisir, il n' est pas à croire com∣bien est grande la Violence, ou leur passion les porte; Alors s' imagi∣nant que toutes choses leur sont permises à cause de leur puissance, ils font gloire d'opprimer les petits et de les aller chercher jusques dans Ieur maisons, qu' ils y ruynent de fonds en comble pour se vanger; Ceux cependant joüent, et comme ils se voyent ainsi persecutez, fai∣sant courage de desespoir, ils en attirent à leur defence quantité d'au∣tres, qui tels que des Mouches à miel sortent à la foule de leurs loges, et se jettant pesle mesle sur ces oppresseurs les picquent jusques au sang, et les contraignent en fin de faire vne honteuse retraitte.