Le Sens MORAL.
CEtte Fable nous represente la grand presomption de ceux qui par vne espece de vanite, (qu' on peut appeller aussi grossiere qu' elle est insupportable) entreprennent de se desguiser, et de passer long temps pour plus eminent en Fortune et en Vertu, qu' ils ne sont effe∣ctiuement, Cest ainsi que parmy les nouueaux Docteurs ils s' entrouue plusieurs, qui sont vestus d'vn Bonnet, et d'vne Robe dans vne chaire pour paroistre plus eloquens deuant ceux qui les ecoutent, mais il est aisè de connoistre qu' il y a du vuide dans leur teste, ou les ore∣illes d' Asne paroissent visiblement; Les Fanfarons tout de mesme ont beau porter leurs longues Espees, faire les Rhodomonts dans les Rues, morguer les vns, et les autres, alonger leur pas, et affermir leur Countenance, On les discouure aussi tost, et n' est point d' homme de Courage qui n' ait pitie de leur valeur pretendüe, Leur Artifice peut quelquefois surprendre l'Esprit, mais il est impossible qu' on ne le reuele bien tost apres; Pour ce, Ne feins point que tu sois autre que tu n' es, Ne te vante point estre sçauant quand tu ne sçais rien, d'estre riche, ou valiant, quand tu es pauure, et Coüard, car quand la verité sera sçeue tu seras mocquè.