Page 140
FABLE LXX.
VN jour le Leiure voyant la Tortüe qui se trasnoit à pas lents, se mit à sou-rire, et luy dit plusieurs mots de raillerie pour blamer son extreme tardiuetè; Alors la Tortüe à qui ce mepris du Lieure seruit d'vn juste Subjet de s' en offencer, ne luy fist point d'autre Response, sinon qu' elle le defia Courageusement à la Course. Ce defy acceptè, et tous deux estans demeurè d'accord du lieu, jusques ou ils deuoient courrez, ils print le Renard pour leur Juge. La Tortüe partit en mesme temps, et le Lieure luy laissa prendre tel aduantage qu' elle voulut, s' imaginant qu' il y seroit assez tost pour la vaincre. Voila cependant qu' à force d'aller, elle se rendit insensiblement aux bornes prescriptes, et gagna par ce moyen le prix de la Course; De quoy le Leiure bien estonné maudist tout haut sa non-chalance, et la trop bonne opinion qu' il auoit eüe de soy mesme; Mais le Renard s' en mocquant luy dit, Mal aduisé que tu es, Apprends vn autre-fois à ne croire point ta folle teste, et à te seruir de tes jambes au besoin.
Le Sens MORAL.
PAr la Tortüe en cette Fable nous pouuons entendre vn Esprit tar∣dif, mais bien vigilant, par le Leiure vn courage prompt mais mal aduisè, et par le Renard vn homme accort, et Ingenieux qui ne juge que de ce qu' il void, sans s' arrester à la vaine monstre des presomptu∣eux, n' y à la trop bonne opinion qu' ils ont ordinairement de leur Vertu pretendüe; La Force est vne Qualite fort souhaittable, quand elle se trouue joincte à l'Addresse, puis que par elle nous venons glo∣rieusement à bout des plus hautes entreprises ou la Valeur et la Cou∣rage nous portent; Toutesfois comme l'Eau corrumpit insensiblement, et deuient puante si elle n' est remuë, Ainsi la force du Corps et la Beautè d' Esprit ne sont que des Qualitez inutiles à l' Homme, s' il ne s' en sert au besoin, s' il ne reduit la puissance en Acte, car tous ceux qui ont excellè, so it aux lettres, soit aux Armes, n' auroient ja∣mais rien aduancè dans cette lice d' Honneur, s' ils ne se fussent hastez doucement, Et c' est en cela sans doubte qu' ils ont imitè la Tortüe, plustost que le Leiure, et en matiere d' Esprit, et de force, tou∣tesfois qu' il leur a fallu agir, ils ont fait sans differer, et ont tous∣jours joinct la Prudence, et la Force ensemble.