Page 116
FABLE LVIII.
LE Renard, et le Leopard disputoient ensemble de leur Beauté, Le Leopard loüoit hautement sa peau, de diuerses couleurs, Le Re∣nard pour ce, qu'il ne pouuoit preferer la sienne luy dit, J'aduoüe que tu as quelque raison de ce costé-là, Mais en recompense, l'aduantage que j' ay sur toy qui n' est pas petit, c' est d'auoir l'esprit des diuerses couleurs, et non pas le corps.
Le Sens MORAL.
LA Beauté de l'Esprit doit estre preferré à la Beauté du corps, car in∣finies sont aduantages que la Beauté de l'Ame emporte sur celle du Corps, neantmoins c' est trop vray, qu' il n' y ait que trop de per∣sonnes dans le monde qui souhaittent plus ardemment la possession d'vn beau corps, que celle d'vn bel Esprit, si est ce qu' il est impossible, ce me semble, qu' en leur Ame ils ne trouuent ce dernier plus estima∣ble que l'autre, comme tesmoignent ces vers du Pierre Ronsart.