Page [unnumbered]
¶Wherin / or in what maner of thynges: obediēce is due. The .vii. Chapitre.
HEre maye conuenientely folowe / wherin and in what maner of thyn¦ges the subiectes ben bounde vnto the sayd obedience. For (as we said byfore) in suche thynges as ben con¦trarie vnto the lawes of god or the the ordinaunce of the churche: no subiectes may be obedient vnto any souereyne. For scripture sayth.* 1.1 Magis est obediendum deo, {quam} homini∣bus. We muste rather obey god than man / or after ye more streyte letter / obedience is more due vnto god than vnto man. And also in suche thyng{is} as the sub¦iectes done knowe well: ben directely agayne the rule of theyr profession / shulde they nat lyghtly and gladly obey. Lyghtely I meane: wtout deliberaciō / and gladly: for selfe pleasure or cōmodite. For in suche poyntes: the subiectes may stoppe and stycke somewhat there at / but nat vtterly deney / ne euer shulde a subiecte saye I wyll nat. But rather lycēce (after religious discipline) asked to speke: than (wt sobre wordes and meke reuerente byhauioure) to shewe the souereyne saynge. This thynge is con∣trarie vnto our rule or ordinaūce / and yet nat with standynge: if the souereyne wyll nedely so continue in his cōmaundement natwithstandyng the know¦lege and remembraunce of the rule: than muste the subiecte be obedient. Excepte alwaye those thinges that in the rule ben of suche weght and substance: ye wyttyngly to breake them were mortall and deedly synne / for there is than no place of due obedience.