Pontici Virunnii viri doctissimi Britannicæ historiæ libri sex magna et fide et diligentia conscripti: ad Britannici codicis fidem correcti, & ab infinitis mendis liberati: quibus præfixus est catalogus regum Britanniæ: per Dauidem Pouelum, S. Theolog. professorem.

Annotariones in Cap. 3.

1 IN successione filiorum Rotherici Giraldus Bardis & Genelogiarum Britannicarū scrip∣toribus aduersatur. Illorum enim constans assertio est, Anaratum primogenitum, Principem fuisse Ʋendotiae & genuisse Edoalum Meyrici patrem, qui fuit pater Edoali, patris Iacobi, patris Conani patris Gruffini. Et Powisiam cessisse Mer∣uino filio iuniori, qui liberos non reliquit, in cuius possessiones post eius obitū irruit Cadellus medius, cui pater Demetiam dederat. Lelandus tamē & H. Lhoydus cum Giraldo sentiunt. Per me itaque cuique liberum sit, suo vti iudicio: nolo enim, aut contra venerandae antiquitatis auctoritatē & doc∣tissimorum virorum sententias, meum interponere iudicium: aut receptae & constanti opinioni, sine manifesta probatione contradicere.

2 Librariorum vel scribentium ignorantia at{que} stultitia factum est vt auctor hoc in loco turpiter corrumperetur, qui sic scripserat: Eandem me∣moriter tenent à Rotherico Magno vs{que} ad B. M. & inde vs{que} ad Siluium, &c. Superstitiosi fraterculi Beatae Virginis cultui plùs aequo addicti, nihil aliud per literas B. M. significari putabāt, nisi Beatam Mariam: in auctore ergo transscribendo, sic posuerūt, Eám{que} memoriter tenent à Ro∣therico Magno vs{que} ad Beatā Mariam. Alij locum ex corrupto magis absurdum reddiderunt,

facientes ex B. M. Beatam virginem. At qui in Antiquitatibus Britannicis vel mediocriter versati fuerint facilè animaduertere possunt, B. M. in genelogijs Belinum Magnum Britanniae regem significare, à quo omnes nobiles totius Cam∣briae genus ducunt: nam Bardi in recensendis ge∣nelogijs semper ascendunt vs{que} ad Belinū Magnū, ibique fistunt: quia inde ad Aeneam peruulgata est & satis cognita generis repetitio. Hoc quod dico manifestè satis apparet in certificatorio cuius∣dam Diplomatis regij, ab Henrico septimo An∣gliae rege, ab Abbatem monasterij de valle Crucis, & Oenum Pool legum doctorem Canonicum He∣refordensem in Cambriam transmissi, adinquiren∣dum & modis omnibus inuestigandum stemma & genus Oeni Theodori aui regis: vbi in singulis ge∣nelogijs ad Belinum Magnum ascenditur & non vltra. Cuius certificatorij exemplar apud me est. Hic Belinus, alias dictus Heli pater Luddi & Cas∣siuellauni Britanniae rex fuit, cuius nomen in ge∣nelogijs adeò tritum est, vt illud B. M. literis no∣tare satis fuerit. Nec possunt huius scandali asser∣tores vllum vnquam Cambrorum proferre, qui genus suum ad Beatam Mariam deduxerit, licet multi sint qui sui generis enumerationem ad B. M. referant. Detestantur enim Cambri Helui∣dianam insaniam, omnésqne firmiter credunt Ie∣sum Christum Seruatorem nostrum non solùm 〈 in non-Latin alphabet 〉〈 in non-Latin alphabet 〉 verumetiam 〈 in non-Latin alphabet 〉〈 in non-Latin alphabet 〉 beatae Virginis fili∣um extitisse.