Pontici Virunnii viri doctissimi Britannicæ historiæ libri sex magna et fide et diligentia conscripti: ad Britannici codicis fidem correcti, & ab infinitis mendis liberati: quibus præfixus est catalogus regum Britanniæ: per Dauidem Pouelum, S. Theolog. professorem.

De hospitalitate & dapsili∣tate. Cap. 10.

NEmo in hac gente mendicus, omnium enim hospitia omnibus sunt communia, largitatem quippe & praecipuè dapsilitatem cunctis vir∣tutibus anteponunt: adeò nempe hospitalis hîc gratia communione laetatur, quòd itinerantibus ea nec offeratur nec petatur: tantùm etenim domum in∣trantes protinùs arma custodiae tradunt: de inde sta∣tim aquā offerentibus, si pedes ablui permiserint, hos∣pitio suscepti sunt, aquae nimirum pedibus oblatio, hos∣pitalis apud hanc gentem est inuitatio. Obsequium au∣tem oblatum si fortè recusant, matutinas recreatio∣nes & non hospitia volunt. Per turbas igitur & fa∣milias capite sibi praefecto gentis huius iuuentus in∣cedit, solùm armis & otio data patriaeque defensi∣oni promptissima, vnde & tecta cuiuslibet veluti pro∣pria securè subintrant. Qui matutinis autem horis adueniunt, puellarum affatibus & cytherarum modu∣lis vs{que} ad vesperam delectantur: domus enim hîc quae∣libet puellas habet & cytheras ad hoc deputatas. Vnde & duo notabilia hîc reperies, quia zelotypiae vitio sicut nulla magis quàm Hybernica, nulla minùs quàm Cā∣brica gens laborat. Omnis quoque decuria seu familia viri, citra doctrinam omnem cytharizandi perse peri∣tiam tenent. Vespere verò cessantibus iam aduentan∣tium turbis, iuxta numerum virorum & dignitatem, iuxta domus quoque facultatem exhibitio procuratur, vbi non ferculis multis non saporibus & gularum irri∣tamentis coquina grauatur, non mensis, non map∣pis vel manutergijs domus ornatur. Naturae magis student quàm nitori: Vnde caenantibus non binis

vt alibi sed trinis, scirpis & herbae nitidae scutellis & la∣tis & amplis fercula cuncta simul apponunt, Pani quo∣que tenui & lato quotidiano labore decocto, cuiusmo∣di in veteri instrumento Lagana dici solent; interdum pulmentaria supponunt. Talibus olim vsus est mensis puer ille nobilis de cuius & hij se genere iactant, & cu∣ius adhuc ex parte mores obseruant testante Poëta,

Heu mensas consumpsimus inquit Iulus.

Cùm autem certatim obsequijs familia tota deseruiat, soli prae caeteris hospes & hospita, semper astando soli∣citè cuncta perlustrant, nec vnquam nisi post plenam omnium refectionem cibos sumunt, vt si quis fortè de∣fectus accidere debeat, in ipsos cadat. Demum autem hora soporis instante publico strato, per latera domus in longum, iuncis solùm tenuiter insertis, panno quo{que} duro & aspero, quem patria parit, (qui & vulgari voca∣bulo Brychan dicitur) superposito communiter accum∣bunt: nec alius eis nocte cultus quàm die, pallio nám{que} tenui & interula solùm omni tempore frigora pellunt: Igne tamen sicut die, sic & nocte tota ad pedes accen∣so, propinquo pariter concubantium calore multum adiuti. Cùm autem vellatus inferiùs thori duritia las∣sari, vel etiam nimio superiùs algore frigescere coepit, illicò ad ignem prosiliunt, de cuius beneficio promp∣tissima vtriusque incommodi remedia quaerunt, & sic ad strata reuertentes alternis vicibus latus vnum fri∣gori alterum verò duritiae donant.

Notes

• Cythera
• Brychan.