Threnodia in obitum D. Edouardi Lewkenor Equitis, & D. Susannae coniugis charissimæ. = Funerall verses vpon the death of the right worshipfull Sir Edvvard Levvkenor Knight, and Madame Susan his Lady. With Deaths apologie, and a reioynder to the same.

Ode, in qua D. D. Edouardi & Susannae Leukenorum coniugum & inuicem amantissimorum & cum caeteroqui multifariam tum breui mortis interuallo nobilium, apotheosis.

PAr inuidendum, nec lachrymabili Vexanda versu funera, funera Auctura stellas, & sub axes Conspicuam meritura sortem,

Seu vos repostas imperio iuuat Vrgere terras, seu dare splendida Inter paternos iura ciues, Seu liquido radiare ponto.

Nam nec superbas Naxia flectere Edocta tigres dignior asseri, Nec saeuus Orion minaci Vel iaculo violens vel ense.

Foecunda coelo copia fortium Nec insolenti sydera pellice Grauantur olim, RARA castis Conqueritur plaga sub maritis.

Hoc fine vestras fas mihi tollere Laudes & amplo dicere carmine Diuisa vix vllâ duorum Fata morâ, pariles{que} cursus.

Simul profecti non simul ad locum Venistis ambo: nam prior optima Dignata Nympharum coronâ est Et volucres agitauit alas,

Vel illa sexûs munere libera Palmae appropinquans, & melior pede, Vel faecis expers, humida{que} Mole carens, propior{que} Diuis.

Proh quanti amare est? non tulit hanc vicem Lato relictus sponsus in aequore Iam solus, haerentem{que} gliscit Quâlibet expedijsse metam?

Non ille vitae parcus & omnium Contemptor, atras quò redimat moras, Sed nulla cunctantem sub arcto Vota iuuant, spacio{que} languet.

Fertur Cupido purpureas sibi Dempsisse pennas protinùs & viro Aptasse prudens his perito Remigijs sapienter vti.

Tum copulantur. Nunc quo{que} (si fides) Caelo receptos ludere sic iuuat, Nympham{que} porrectam marito Praetimidas glomerare plantas.

SAMVEL COLLINAEVS C. Regal.