Le reveille-matin des Francois, et de leurs voisins. Composé par Eusebe Philadelphe cosmopolite, en forme de dialogues.

VERS AV CHASSEVR Déloyal.

Ie ne scauroy penser lieu où tu pourrois es••re Charles en seureté auecques quelque honneur: Le peuple Francois t'a si fort à contre coeur, Qu'il te veut aussi peu pour valet que pour maistre: L'accort Italien tes ruses scait cognoistre, L'Hespagnol politic se rit de ton malheur: Le More ne pourroit souffrir ta Barbarie: L'Anglois & l'Escossois ne veulent point de toy, L' Allemaigne maudit vn si barbare Roy: Le Turc & le Sophi detestent ta furie, Ils sont Mahumetains, & tu n'as point de Foy: Sans Foy lon ne va point en la celeste gloire: Les Diables en Enfer craindront te receuoir, Et apres le Concil, que nous deuons auoir Les Protestans feront raser le Purgatoire: Tu eusses doncques bien à tes suiets pouruei•• Si mort-né le Soleil iamais tu n'eusses veu: Mais qu'on t'eust droit porté dedans la fosse noire, Et qu'aux Limbes Papaux tu te fusses tenu.