¶Of ye byndyng togydre & connexion of charyte & of humylyte / begynnyng in latyn. Certissime. Caplm .ij.
THou oughtest to byleue & kno∣we certaynly ye charyte is not parfyghtly in a man without humylyte and obedyence. For yf thou hast very charyte / thou shalt be incon∣tynent humble and obeyssaunt. Humy¦lyte is a grete v{er}tue / for it maketh men mortall to be heuenly. By humylyte ye deuyll is surmounted and ouercome / by hit the grynnes of hym be eschewed In lyke wyse as sayth saynt Anthonye to thabbot Pastor the whiche had seen ouer all the worlde the grynnes & net∣tes of the deuyll sette vp / for to take the poore soules / and it was sayd to hym that humylyte oonly myght put away all those grynnes without to falle ther¦in. And he sayd it not oonly for hym selfe / but for vs whiche be synners and moche lasse than he in perfeccōn of ma¦ners & vertues / to the ende that by this moyen we may eschewe the grynnes of the deuyll. And furthermore the lyfe of an holy and deuoute hermyte named Martyn sheweth to vs what vertue is humylyte / the whiche from his yougth was moche humble & humayne / & in suche wyse loued of god / that whan he cam to the holy sacrament of the aul∣ter. An aungell mynystred to hym the same holy sacrament / we ought thēne to see & consydere what vertue & yefte is of humylyte / by the whiche a man mortall is thus aggreable to god.