¶Of the conuersacōn of Ierome Ihe¦rosolymytayn begynnynge in latyn. Igitur inde. Caplm .iij.
THenne leuynge that contree I trāsported me in to Bethleem whiche is not ferre fro Iheru∣salem / and aryued in the hous of Ie∣rome that was a man prudent & wyse meruayllously Instructe / not oonly in lettres greke & latyn / but also in ye lan¦gage hebrew / wherof he had so grete re¦nōme / that none was knowen ye durst compare to hym in scyence. And I abo¦de there .vi. monethes with hȳ / the whi¦che contynuelly & sharply stroof ayenst theym that were euyll & obstynate. For I knowe that in his bokes is nothyng but yt it hath ben ouerseen & corrected of hym. And pryncypally he blamed auaryce & pryde. He sayd also all a lon∣ge ye famylyaryte ought to be amonge the relygyouses both men & wȳmen / & by cause he sayd trouthe many hated hȳ & specyally theretykes / for he cessed not to enpugne & repreef theȳ / & after the prestes. For he declared & repreued theyr vyces & synnes / but the Iuste and good men loued hym for his holy lyfe & conuersacōn. And therfore they that wyll saye yt he was an heretyke ben foo¦les & ouerseen / for his doctryne is good & holy. And he slept not daye ne nyght so moche he gaaf hymself to studye in holy scrypture. And yf I had not be re¦lygyous I wolde neuer haue departed from hym. Neuertheles I lefte there my felawes yt folowed me / & wente my sel¦fe to vysyte the brethern that dwelleden in ye last parte of Egypte. For ther ben there meruayllous hermytages & good relygyo{us} folke. It sholde be ouer longe to recounte all those thynges / but ne∣uertheles I shall reherce the pryncypall parte in substaunce.