¶Of two phylosophres whiche went to saynt Anthonye begȳnyng in latyn Quodā vero tempe &c. Caplm .xlvi.
ON a tyme two phylosophres he¦ryng ye good renōmee of saynt Anthonye wente to hym. And whan they were with hȳ bycause yt he answered not to theȳ to theyr pleasyr of ye questyons whiche they proposed to hȳ / retourned sayeng yt he was a fooll & ygnoraūt. The whiche phylosophres of enuye that they had that many cam to saynt Anthonye as seruaūt of god / they sente to hȳ by theyr arte magyke two deuylles for to tempte hȳ / but ye ho¦ly man by his prayer & by the sygne of the crosse / kepte theym soo well yt they approched hȳ not. Thenne they retor∣ned to the two phylosophres without doyng to hȳ ony thyng. But neuerthe¦les they sent two strenger deuylles whi¦che dyde to hȳ nomore dyspleasyr than the fyrst. Thyrdely they enraged and wood sente to hȳ more cruell fendes by the halfe / but they dyde nothyng to hȳ but cam agayn all confused. For they foūde saynt Anthonye constaūt & sted¦fast. And for so moche they knewe wel what vertues ye good crysten men haue For these deuylles whiche were so ter∣ryble myght not gryeue ne noye saynt Anthonye ne his hous. Thenne these two phylosophres moche meruayled ca¦me to saynt Anthonye / & confessynge theyr synne dyde do baptyse theȳ. After saynt Anthonye asked of theym what daye they had sente those deuylles to hȳ. And by theyr answere he knewe yt in thoo dayes he had be sore trauaylled in temptacōns / neuertheles he had re∣systed them by the moyen of his pray∣ers / in whiche he was right besy & con¦tynuell. For on a tyme thus as he pray¦de fro ye euyn tylle on the morn seeyng the sonne aryse & appyere / he began to crye & saye. O yu sonne wherfore lettest yu me / what enforcest ye now for to she∣we thy selfe / for to preue & take awaye fro me the clerenes of this very lyght / whiche now presently I see.