¶ How the sayde Pachomyen was ta∣ken for to goo on werre. And begin̄yth in latyn ¶ Eodem tempore. et. cetera Caplm .lvi.
IN the same tyme Constantyn obteynynge the Empyre of ro¦me dide constrayne all the yon¦ge men of his countree for to habylle & put theim in armes for to serue hym in his warre / Emonge whom he was re∣teyned to wages / ¶ The sayde Pacho∣myen whyche thenne was in the aege of twenty yeres / After that he was put vppon the see / The wynde aroos / And made theym to arryue in a cyte in why¦che dwelled Crysten men / ¶ Whanne they of the cyte sawe theym come. lybe∣rally they receyued theym / And honest¦ly they admynystred to theym alle the¦yr necessitees / ¶ Pachomyen seeng•• ••••¦yr charite and humanytee enquyred •••• his felowes. what men they were / Why¦che ansuered to hym that they were cry¦sten men / And that theyr custome was to be soo humble and charytable to alle the worlde Hopinge to haue therfore re¦warde of their god.
¶ Pachomyen herynge this was mo∣che heuy in his herte for that he myght not haue none other knowlege of them ¶ Wherfore he made his prayer to god in sayenge / O god almyghty whyche haste made heuen & erthe graunte thou to me my prayer. That is. that it play¦se the to giue me perfighte knowlege of thy name / And that I be delyuered of the oblygacyon in whyche I'am boun∣de. And I shall be thy seruaunt alle the tyme of my lyfe / ¶ And I promitte to the that I shall renounce the worlde for to beye ye onely / He then̄e retornynge fro¦the warre wyth his felowes they pas∣syd by dyuerse countrees and Regyons in whiche some tyme Pachomyen was tempted wyth the synne of the flesshe / But neuertheles rmēbryng of ye promi¦se that he hadd made to god. he resisted ye temptacōn. And wolde neuer cōmise the sayd synne Desyrynge for the loue of oure lorde to lyue chastely /