Vitas patrum.

Of saynt Cyr. Ysaye. & Paule. whiche begyn̄yth Adhebat adhuc / Caplm x.

[illustration]

THe holy sayntes. Cyr. Ysaye / & Paule wer of lyf moche solyta¦ry & relygio{us}. As they iii. togrd{er} went in a viage for to vysite one of her bred{er}n / Whā thei had gone iii. dayes Io¦urney nye to y^e monastery wher he was they were cōstreyned to passe a riuer. on whiche was no bote to passe with. then̄ they sayd lete vs praye togyd{er} to god. y^t he woll gyue vs grace to passe this flo¦de. to thende y^t we may achyue our vya¦ge. & ther prayer made god sent to hem a bote. And thei made asmoche way in an hour as they had doo in iii. dayes / & whā they were aryued alōde / Ysaye sa¦yd. god hath shewed me y^e man whiche we go to see. he comyth to mete vs. For he knoweth our comȳg. Also paul said god hathe shewed me y^t after iii. dayes he shall passe oute of this worlde in to that other / In sayenge thyse wordes

and in walkyng for to goo to the mo∣nastery. where as they hoped to fynde theyr brod{er}. they encoūtred & mett hym & salewed hem sayeng / Blessed be god that this day hath shewed to me in spi¦ryte that. whyche I see wyth myn eyen And then̄e he shewed to theim al their cogytacōns & the merytes y^t they had a¦nenst god / Anone saynt Poul thus said God hath reueled to vs y^t wythin thre dayes thou shalt deye / & therfore decla¦re to vs by what vertue thou hast be a∣greable to our lord. to thende that thou whyche art redy to goo to hym. leue to thy successours some rule & manere. bi y^t whiche they maye haue meryte in their operacōns Then̄e the holy man answe¦red in this manere. I dide neuer thyng of grete meryte / But I haue called al¦waye the name of god in my trybulaci¦ons / & the grace of god neuer lefte me / for I had neuer necessyte / All y^t I wold ete changels haue brought to me. & al∣so I haue had by the boūte of our lord reuelacōn of many thinges whiche ha¦ue be done in the worlde / The light of my soule was neuer quenched. I haue seen thangels assystaūt wyth god ma∣ny tymes / Also the rewarde of the meri∣es of relygious peple. & generally of al y^e heuenly court. I haue seen also the de¦uyll & his cōplyces put in fyre perdura¦ble. & the rightful men in to glory eter¦nall / And after whā he had by y^e space of iii. dayes cōforted them. he rendred & gaaf vp his spyrite to god / And forth∣wyth they sawe the angels whyche ba¦re his soule in to heuen /

¶ Of saynt Helayn whiche begyn̄yth in latyn / Fuit et ali{us} vix / Caplm xi