Sidereus nuncius magna longeque, admirabilia spectacula pandens, suspiciendáque proponens unicuique, præsertim vero philosophis atque astronomis, quæ à Galileo Galileo ... : atque Medicea sidera nuncupandos decrevit.

REVERENDISSIMO ET SERENISSIMO PRINCIPI ac D. D. Ernesto Archiepiscopo Co∣loniensi, S. Romani Imperii Septemvi∣ro Electori, & per Italiam Archicancella∣rio, Episcopo Leodiensi, Administratori Monaster. Hildes. & Frisingensi, Princi∣pi in Stabel. Comiti Palat. Rheni sup. & infer. Bavariae, Westphaliae, &c. Duci, Domino meo clementissimo.

REverendissime & Serenissime Princeps Elector, Domine clementissime: Cum su∣perioribus annis ad magnum cumulum inventionum hujus ultimi seculi accessisset Arundo dioptrica, nequaquam inter vulgares connumeranda machinationes, circaque eam alii de palma primae inventionis certarent, alii de perfectione instru∣menti sese jactarent amplius, quod ibi casus po∣tissimum insit, hic Ratio dominetur; Galilaeus

vero super usu patefacto in perquirendis arcanis Astronomicis speciosissimum triumphum ageret; ut cui consilium suppeditaverat industria, nec suc∣cessum negaverat fortuna: Ego ductus honesta quadam aemulatione novum Mathematicis campum aperui exserendi vim ingenii, hoc est causarum lege geometrica demonstrandarum quibus tam exo∣ptati, tam jucunda varietate multiplices effectus inniterentur. Cum enim ante sex annos Opti∣cam Astronomiae partem edidissem, in qua & de visi∣onis modo nova ratione, & de Perspicillis primus omnium, quod sciam, talia disputaveram, quae ad hunc usque diem stant inconcussa; consentaneum erat, ut ostenderem eadem fundamenta quibus visionis modum, quibusque perspicillorum simpli∣cium effectus superstruxeram, etiam compositioni diversarum lentium perspicuarum in unam arundi∣nem ferendae sufficere: adeoque ne quidem posse fieri (quod veritatis argumentum est) ut allis qui∣buscunque principiis quam quibus ego sum usus demonstratio haec expediatur. Ac cum Euclides Optices speciem fecerit Catoptricen, quae de radio repercusso agit, nomine deducto à praecipuo hujus generis machinamento, Speculis, eorumque mira & jucunda varietate; ad exemplum hoc meo li∣bello

natum est nomen Dioptrice, quia agit potissi∣mum de radio refracto à mediis pellucidis densis, tam naturalibus in oculo humano, quam artificia∣libus in perspicillorum varietate; quo subjecto contra Catoptricen, ut species contra speciem, di∣stinguitur: sic tamen ut prior sit Dioptrice, po∣sterior Catoptrice; propterea quod Catoptrice circa imagines versetur, quae, quid omnino sint, citra cog∣nitionem oculi ex Dioptrice petendam intelligi nequit.

Qua etiam de causa repetii modum visionis & simplicium perspicillorum rationes; cum ut Dio∣ptrice quodammodo perfecta esset, tum quia Instru∣menti rationes ab hominis oculo nexae sunt, ipsum∣que instrumentum è simplicibus perspicillis compo∣situm, ut alterum sine altero expediri non possit. Denique quia censuerunt aliqui, in Opticis haec à me pertractata esse obscurius; ut multis non inge∣nii hebetudo, sed doctoris culpa impedimento sit quo minus scripta & demonstrata percipiant. Eis igitur ut consulerem, quaedam hic tradidi brevius, alia prolixius, nonnulla aliis verbis concepi; defini∣tiones terminorum, quos usurpo geometrica libertate, continuo numero inter propositiones opportunis locis recensui; scbemata (quae sunt Geometrarum genui∣nae

literae) plura addidi. Qua opera si non omnem obscuritatem sustuli, spero Philosophiae studiosos imbecillitati meae aliquid condonaturos, operamque hanc boni consulturos.

Porro in hanc curam eo potissimum tempore in∣cubui, quo ingenium meum, lamentabili quodam frigore torpens, Sol munificentissimus praesentiae R^mae & S^ae C^is tuae concalefecit, clementissimaque ejus alloquia & hortatus crebri, veluti Mercurius aliquis, è somno excitarunt. Ejus denique Ma∣thematici & Cubicularii Nobilis, D. Ioannis Zuck∣messeri, jucundissima simul & ingeniosissima ma∣chinamenta manuaria, vitrorumque expolitiones ar∣tificiosissimae, quibus R. & S. C. Tuāmirifice dele∣ctari videbam, ad ejusdem veluti officii aemulatio∣nem provocarunt. Quod si me non impellerent hae singulares causae ad Dioptricen hanc meam R. & S. C. Tuae dedicandam; tunc vel sola illa in ge∣nere sufficeret, quod Mathematici libelli ut remoti à vulgi captu, eoque contempti, nemini rectius offe∣runtur quam qui de illis judicare possunt, quos a∣cri ingenio à Natura instructos, amor philosophiae & meditatio ad perfectam harum rerum cognitionem provexit. Qua in cognitione num quem inter Princi∣pes Viros hoc tempore parem babeas, incompertum

mihi est: inter professores certe Academiarum qui huic judicio-pares sint, pauciores reperiuntur quam ex usu sit.

Quod si nulla in creberrimis librorum dedicati∣onibus fucatiora essent Patronorum encomia quam sunt ista, credo fidem quam circa Patronorum virtutes fere decoxerunt dedicationes brevi re∣staurarent. Atque ego in hunc ipsum finem super∣sedeo reliquas (ut fieri solet in dedicationibus) R. & S. C. Tuae commemorare virtutes; ne sutor ultra crepidam sapere velle videar.

De caetero non aliam lectori suspendo hederam, quam ut ei indicem libellum à tali Principe compro∣batum, lucemque videre jussum. Et jam R. & S. C. Tuae me subjectissime commendo, Vale: Cal. Ianuariis anni undecimi de seculo septimo decimo, quem R. & S. C. Tuae felicissimum in gubernatio∣ne, in sapientiae studio, inque corporis tuenda sani∣tate comprecor.

Reverendissimae & Sere∣nissimae C. Tuae Devotissimus S. C. Ma^tis Mathematicus IOANNES KEPLERUS.