Rationes decem quibus fretus, certamen aduersarijs obtulit in causa fidei / Edmundus Campianus ...

Edmundus Campianus, Doctissimis Academicis, Oxonii florentibus & Cantabrigiae, S. P. D.

ANNO praeterito, cùm ex instituto vitae meae, iussus in hanc Insulam remeas∣sem, clarissimi viri, offen∣di sanè fluctus haud paulo saeuiores in Anglicano litore, quám quos in Oce∣ano Britannico recens à tergo reli∣queram. Mox interiorem in Angli∣am vbi penetrassem, nihil vidi fami∣liarius, quám inusitata supplicia: nihil certius, quam incerta pericula. Colle∣gi me vt potui, memor causae, memor temporum. Ac ne priùs fortè corri∣perer, quám au ditus a quopiam fuis∣sem, scripto protinus mandaui cōsili∣um meum, qui venissem, quid quaere∣rem, quod bellum, & quibus, indicere cogitarem. Autographō apud me ha∣bui, vt mecum, si caperer, caperetur:

Exemplum eius apud amicum depo∣sui, quod, me quidem nesciente, pluri∣bus communicatum est. Aduersarij publicatam schedulam atrociter acce∣perunt, cùm caetera, tum illud inuidio∣sissime criminantes, quód vnus omni∣bus in hoc religionis negotio certa∣men obtulissem. quanquam solus in acie non eram futurus, si fide publica disputassem. Responderunt postula∣tis meis, Hanm••rus, & Charcus. Quid tandem? Otiosé omnia. Nullum enim responsum praeter vnum honesté da∣bunt, quod nunquam dabunt: Conditi∣ones amplectimur, Regina spondet, aduo∣la. Interea clamant isti: Sodalitium tuum, seditiones tuas, arrogantiam tu∣am, proditorem, sine dubio, prodito∣rem. Ridiculè▪ Operā & oleum & fa∣mam homines non insipientissimi cur profundūt? Verum his duobus (quo∣rum prior, animi causà, meam char∣tam delegit in quam incurreret: alter malitiosius totam rem conuoluit) prae∣bit{us}

nuper est libell{us} admodū luculē∣tus, qui quātum oportuit, tantū & de Societate nostra, & de horum iniuri∣is, & de prouincia quam sustinemus, edisserit. Mihi supererat, (quoniam, vt video, tormenta non scholas pa∣rant antistites) rationem facti mei vobis vt probarem: capita rerum, quae mihi tantum fidētiae pepererunt, qua∣si digito sontes ostenderem: Vos eti∣am hortarer, quorum interest praeter caeteros, incumbatis in hanc curam, quam à vobis Christus, Ecclesia, Res∣publica, & vestra salus exigunt. Ego, si fretus ingenio, literis, arte, lectione, memoria, peritissimum quen{quod} aduer∣sarium prouocaui, fui vanissimus & superbissimus, qui ne{quod} me, ne{quod} illos inspexerim: Sin causam intuitus, ex∣istimaui satis me valentem esse, qui docerem hunc solem meridie lucere, debetis mihi feruorem istum conce∣dere, quem honor IESV CHRISTI REGIS mei, & inuicta veritas impe∣rarunt.

Scitis, M. Tullium in Quinti∣ana, cum ei Roscius victoriam adpro∣mitteret, si efficeret argumentis, sep∣tingenta millia passuum non esse de∣cursa biduo, non modo nihil veritum articulos & neruos Hortensij, sed ne grandiores quidem Hortensio Phi∣lippos, & Cottas, & Antonios, & Crassos, quibus maximam dicēdi glo∣riam tribuebat, metuere potuisse. Est enim quaedam veritas tam illustris & perspicua, vt eam nullae verborum re∣rūue praestigiae possint obruere. Por∣rò liquidius est quod nos agimus, quā illa fuit hypothesis Rosciana. Nam si hoc prestitero, coelos esse, diuos esse, fidem esse, Christum esse, causam ob∣tinui. Hic ego non sim animosus? E∣quidem occidi possum, superari non possum. Ijs enim doctoribus insisto, quos ille Spiritus erudijt, qui nec fal∣litur, nec vincitur. Quaeso a vobis, vt salui esse velitis. A quibus hoc impe∣traro, reliqua minimè dubitanter ex∣pecto.

Date modó vos huic solicitu∣dini, Christum obtestamini, industri∣am adiungite, profecto sentietis id, quod res est, & aduersarios desperare, & nos tàm solidé fundatos, quieto magno{quod} animo hanc arenam expete∣re oportere. Breuior hic sum, quód re∣liquo sermone vos alloquor. Valete.

RATIONVM CAPITA.

• 1. SACRAE Literae.
• 2. SAcrarum Literarum sententia.
• 3. NATVRA Ecclesiae.
• 4. CONCILIA.
• 5. PATRES.
• 6. FIRMAmenta Patrum.
• 7. HISTORIA.
• 8. PARADOXA.
• 9. SOPHISMATA.
• 10 OMNE genus testium.