Poems of Mr. John Milton, both English and Latin, compos'd at several times. Printed by his true copies. / The songs were set in musick by Mr. Henry Lawes Gentleman of the Kings Chappel, and one of His Maiesties private musick. Printed and publish'd according to order.

Elegia sexta.

Ad Carolum Diodatum ruri commo∣rantem.

Qui cum idibus Decemb. scripsisset, & sua carmina excusari postulasset si solito minus essent bona, quòd inter lautitias quibus er at ab amic is exceptus, haud satis felicem ope∣ram Musis dare se posse affirmabat, hunc habuit responsum.

MItto tibi sanam non pleno ventre salutem▪ Quâ tu distento forte carere potes. At tua quid nostram prolectat Musa camoenam, Nec sinit optatas posse sequi tenebras? Carmine seire velis quàm te redamémque colámque▪ Crede mihi vix hoc carmine scire queas. Nam neque noster amor modulis includitur arctis, Nec venit ad claudos integer ipse pedes. Quàm bene solennes epulas, hilaremque Decembrim Festaque coelifugam quae coluere Deum, Deliciasque refers, hyberni gaudia ruris, Haustaque per lepidos Gallica musta focos. Quid quereris refugam vino dapibusque poesin? Carmen amat Bacchum, Carmina Bacchus amat.

Nec puduit Phoebum virides gestasse corymbos▪ Atque hederam lauro praeposuisse suae. Saepius Aoniis clamavit collibus Euoe Mista Thyonêo turba novena choro. Naso Corallaeis mala carmina misit ab agris: Non illic epulae non sata vitis erat. Quid nisi vina, rosasque racemiferumque Lyaeum Cantavit brevibus Tëia Musa modis▪ Pindaricosque inflat numeros Teumesius Euan, Et redolet sumptum pagina quaeque merum. Dum gravis everso currus crepat axe supinus, Etvolat Eléo pulvere fu••cus eques. Quadrimoque madens Lyricen Romanus Jaccho Dulce canit Glyceran, flavicomamque Chloen. Jam quoque lauta tibi generoso mensa paratu, Mentis alit vires, ingeniumque fovet. Massica foecundam despumant pocula venam, Fundis & ex ipso condita metra cado. Addimus his artes, fusumque per intima Phoebum Corda, favent uni Bacchus, Apollo, Ceres. Scilicet haud mirum tam dulcia carmina per te Numine composito tres peperisse Deos. Nunc quoque Thressa tibi caelato barbitos auro Insonat argutâ molliter icta manu;

Auditurque chelys suspensa tapetia circum, Virgineos tremulâ quae regat arte pedes. Illa tuas saltem teneant spectacula Musas, Et revocent, quantum crapula pellit iners. Crede mihi dum psallit ebur, comitataque plectrum Implet odoratos festa chorea tholos, Percipies tacitum per pectora serpere Phoebum, Quale repentinus permeat ossa calor, Perque puellares oculos digitumque sonantem Irruet in totos lapsa Thalia sinus. Namque Elegia levis multorum cura deorum est, Et vocat ad numeros quemlibet illa suos; Liber adest elegis, Eratoque, Ceresque, Venusque▪ Et cum purpureâ matre tenellus Amor. Talibus inde licent convivia larga poetis, Saepius & veteri commaduisse mero. At qui bella refert, & adulto sub Jove caelum▪ Heroasque pios, semideosque duces, Et nunc sancta canit superum consulta deorum▪ Nunc latrata fero regna profunda cane, Ille quidem parcè Samii pro more magistri Vivat, & innocuos praebeat herba cibos; Stet prope fagineo pellucida lympha catillo, Sobriaque è puro pocula fonte bibat.

Additur huic scelerisque vacans, & casta juventus, Et rigidi mores, & sine labe manus. Qualis veste nitens sacrâ, & lustralibus undis Surgis ad infensos augur iture Deos. Hoc ritu vixisse ferunt post rapta sagacem Lumina Tiresian, Ogygiumque Linon, Et lare devoto profugum Calchanta, senemque Orpheon edomitis sola per antra feris; Sic dapis exiguus, sic rivi potor Homerus Dulichium vexit per freta longa virum, Et per monstrificam Perseiae Phoebados aulam, Et vada foemineis insidiosa sonis, Perque tuas rex ime domos, ubi sanguine nigro Dicitur umbrarum detinuisse greges. Diis etenim sacer est vates, divûmque sacerdos, Spirat & occultum pectus, & ora Jovern. At tu siquid agam, scitabere (si modò saltem Esse putas tanti noscere siquid agam) Paciferum canimus caelesti semine regem, Faustaque sacratis saecula pacta libris, Vagitumque Dei, & stabulantem paupere tecto Qui suprema suo cum patre regna colit. Stelliparumque polum, modulantesque aethere turmas, Et subitò elisos ad sua fana Deos.

Dona quidem dedimus Christi natalibus illa, Illa sub auroram lux mihi prima tulit. Te quoque pressa manent patriis meditata cicutis▪ Tu mihi, cui recitem, judicis instar eris.