Here begynneth the thirde and fourthe boke of sir Iohn̄ Froissart of the cronycles of Englande, Fraunce, Spaygne, Portyngale, Scotlande, Bretayne, Flaunders, and other places adioynyng, translated out of Frenche in to englysshe by Iohan Bourchier knyght lorde Berners, deputie generall of ye kynges towne of Calais and marchesse of the same, at the co[m]maundement of our most highe redouted souerayne lorde kyng Henry the eyght, kynge of Englande and of Fraüce [sic] [and] highe defender of the Christen faithe. [et]c

¶Howe the kyng of Armony passed in to Englande in trust to fynde some meane of peas or good appoyntment bytwene the kyng of Englande and the kynge of Fraunce. Ca. lvi. (Book 56)

THus in abydynge for the duke of Berrey and for the constable who were be∣hynde then kynge Lyon of Armony who was in fraūce and had assygned hym by y^e kynge .vi.M. frankes by y^e yere to maynteyne his estate / he toke on hym for a good entente to go in to Englande to spe¦ke with the kyng there and his counsayle to se if he myght fynde ony maner of peas to be had bytwene the two royalmes of Englande and fraūce and so he departed fro his lodgynge of saynt Albeyne besyde saynt Denyee alonely w^t his owne company and with no grete apparel Soo he rode to Boloyne / and there he toke a shyp and so sayled forth tyll he came to Douer and there he founde the erle of Cambrydge & the erle of Buckyngham and mo then a .C. mē of armes and a .ii.M. archers who laye there to kepe that passage / for the brute ranne that y^e frensshmen sholde lande there or at Sandwy∣che / and the kynge laye at London and parte of his counsayle with hym / and dayly herde ty¦dynges fro all the portes of Englande / when the kynge of Armony was aryued at Douer he had there good chere bycause he was a straū¦ger / and so he came to the kynges vncles there who swetely receyued hym / and at tyme conue¦nyent they demaunded of hym fro whens he ca¦me and whether he wolde / the kyng answered and sayd that in trust of goodnes he was come thyder to se the kynge of Englande & his coun¦sayle to treate for peas bytwene englande and Fraunce for he sayd that he thought the warre was not mete / for he sayd by reason of warre bytwene these .ii. royalmes / whiche hath endu∣red so longe / the sarazyns / Iewes / and turkes are waxed proude / for there is none that make¦th them ony warre / and by occasyon therof I haue lost my lande and royalme / and am not lyke to recouer it agayne without there were ferme peas in all crystendome / and I wolde gladly shewe the matter that toucheth all cry∣stendome to the kynge of Englande and to his counsayle / as I haue done to the frensshe kyng then the kynges vncles demaunded of hym yf the frensshe kynge had sent hym thyder or noo he answered and sayd / nay / there is noo man y^t sent me / but I am come hyder by myne owne mocyon to se yf the kynge of englande and his counsayle wolde ony thynge leane to ony trea¦tye of peas / then he was demaunded where the frensshe kynge was / he answered I byleue he be at Sluse I sawe hym not syth I toke leue of hym at Senlyze / then he was demaunded howe he coulde make ony treatye of peas and had no charge so to do / and syr yf ye be conuay¦ed to the kynge our nephewe and to his coun∣sayle / and the frensshe kynge in the meane sea∣son entre with his puyssannce in to Englande ye may happen therby to receyue grete blame and your persone to be in grete ieoperdy with them of the countrey / then the kynge answered and sayd I am in suretye of the frensshe kynge for I haue sente to hym desyrynge that tyll I retourne agayne / not to remoue fro Sluse / &

I repute hym so noble and soo well aduysed y^t he wyll graunt my desyre and that he wyll not entre in to the see tyl I be come agayne to hym Wherfore syrs I praye you in the instaunce of loue and yeas / to conuey me to speke with the kynge / for I desyre gretely to se hym / or elles ye that be his vncles yf ye haue auctoryte to gy¦ue me answere to all my demaundes / then the erle of Buckyngham sayd / syr kynge of Armo∣ny we be ordeyned here to kepe & defende this passage and the fronters of Englande by the kynge and his counsayle / and we haue no char¦ge to medle ony further with the busynes of y^e royalme without we be otherwyse commaun∣ded by the kyng / but syth ye be come for a good entente in to this countrey ye be ryght welco∣me / but syr as for ony ferme answere ye can ha∣ue none of vs / for as nowe we be not of the coū¦sayle / but we shall conuey you to the kynge w^t∣out peryll or domage / the kynge thanked them and sayd / I desyre nothynge elles but to se the kynge and to speke with hym.